Бөгөн төнөн Көйөргәҙе районы Молокан ауылында янғын 10х8 метр ҙурлыҡтағы бүрәнә йортто юҡҡа сығара. Аллаға шөкөр, ҡорбандар юҡ: бәлиғ булмаған ете балаһы әсәйҙәре кейенеп өлгөрөр-өлгөрмәҫ сығып ҡотола. “Был ниндәйҙер фажиғәле төн булды: буранда көслө ел арҡаһында электр линияһы өҙөлдө, шуға күрә кис тораҡ пунктта - яҡтылыҡ, электр энергияһы булмау сәбәпле һыу һәм элемтә булманы”, - тип яҙа үҙ сәхифәһендә район хакимиәте башлығы Юлай Ильясов. Янғын шәм ҡулланғанда сыҡҡан тип фаразлайҙар. Әлегә ғаилә ваҡытлыса ошо уҡ ауылда йәшәгән өләсәйҙәрендә. Махсус хәрби операцияға киткән ғаилә башлығынан октябрҙән алып хат-хәбәр килгәне юҡ икән. “Зыян күргән ғаиләгә мөмкин тиклем ярҙам итеүегеҙҙе һорайым. Көйөргәҙе районы ҡатын-ҡыҙҙар Советы аҡса йыйыу тураһында иғлан иткән. Шулай уҡ Ғаилә хеҙмәте әйберҙәр йыйыу ойоштора. (Ғаиләләге иң бәләкәй ҡыҙға өс ай ҙа юҡ, өлкәнерәктәренә 2, 5,8,12, ә малайҙарға З, 11, 20 йәш, әсәйҙәренә 39 йәш.) Зинһар, битараф ҡалмағыҙ! Үҙебеҙҙең яҡтан торлаҡ мәсьәләһе м