Рәсәйҙә коррупция, властың бөтә кимәлдәренә йоғонто яһап, иң киҫкен мәсьәләләрҙең береһе булып ҡала. Президент Владимир Путин 2018 йылда коррупцияға ҡаршы көрәш буйынса Милли планға ҡул ҡуйғандан һуң, бөтә ил буйынса – федераль ведомстволарҙан алып урындағы структураларға тиклем тикшереүҙәр әүҙемләште. Махсус хәрби операция был көрәште тағы ла көсәйтте, был Оборона министрлығында һәм башҡа ведомстволарҙа ҡулға алыуҙарға сәбәп тә була. Ағымдағы этапта Мәғариф министрлығы өлкәһендәге коррупция схемаларынан таҙартыуға айырыуса иғтибар бүленә. Көс структураларының әүҙем эше төбәк кимәлендә лә дауам итә, бигерәк тә Рәсәй Федерацияһының иҡтисади яҡтан үҫешкән субъекттарында. Быйыл Башҡортостанда чиновниктар, шул иҫәптән юғары вазифалы кешеләр араһында 50-нән ашыу енәйәт эше ҡуҙғатылды. Республика Башлығы Радий Хәбиров чиновниктарға һәм көс хеҙмәткәрҙәренә ҡарата енәйәт эштәре буйынса хәлгә асыҡтан-асыҡ аңлатма бирҙе. – Көс структураларының ғәҙәти эше бара. Ул бар, беҙ был даими эштең шаһитыб