10 декабрҙә Шишмә районындағы Рәсәй Геройы Максим Серафимов исемендәге “Патриот” хәрби-патриотик паркында Башҡортостан Башлығы ҡарамағындағы йәштәр сәйәсәтен тормошҡа ашырыу һәм республикала ирекмәнлекте үҫтереү, шулай уҡ “Беренселәр хәрәкәте” дөйөм Рәсәй балалар һәм йәштәр ижтимағи-дәүләт хәрәкәте менән үҙ-ара эш итеү буйынса координация советтары ултырышы үтте. Сарала Радий Хәбиров һәм “Беренселәр хәрәкәте” идараһы рәйесе, Рәсәй Геройы Артур Орлов ҡатнашты. Башҡортостан Башлығы ҡатнашыусыларҙы сәләмләп, йәштәр менән эшләү – дәүләт бурыстарының береһе, тип билдәләне. – Беҙҙең республикала 35 йәшкә тиклемге йәштәр һаны 1 миллиондан ашыу. Улар бер ни тиклем ваҡыттан һуң төбәктең һәм илдең киләсәген билдәләйәсәк, – тине Радий Хәбиров. – Үҫеп килеүсе быуындың башында ниндәй уйҙар – уны аңлау беҙгә мөһим. Беҙгә был ҙур армияның һәр береһенең аҡылына һәм йөрәгенә иҫ киткес яҡшы кеше һәм гражданды тәрбиәләү өсөн бөтә көстө һалырға кәрәк. Мин һәр ваҡыт ысын күңелдән, беҙҙең йәштәребеҙ - иң яҡ