10 декабрҙә Башҡортостан Башлығы Радий Хәбиров аҙналыҡ оператив кәңәшмә үткәрҙе. Унда быйыл үҙенең 30 йыллығын билдәләгән “Уралтехнострой” корпорацияһының үҫеш перспективалары тикшерелде. Компания атом энергетикаһы, нефть-газ сығарыу, нефть-газ эшкәртеү, химия, нефть, металлургия һәм башҡа сәнәғәт тармаҡтары предприятиелары өсөн сериялы булмаған технологик ҡорамалдар әҙерләүгә, етештереүгә, поставкалауға һәм файҙаланыуға тапшырыуға махсуслаша. Етештереү эшмәкәрлеге ике майҙансыҡта алып барыла – Өфөлә (“Уралтехнострой” корпорацияһы) һәм Туймазыла (“Уралтехнострой-Туймазыхиммаш” акционерҙар йәмғиәтенең бүлендек предприятиеһы) - дөйөм майҙаны 80 мең квадрат метрҙан ашыу. Компанияла 1 000 яҡын кеше эшләй. Корпорация президенты Артем Әминев һөйләүенсә, 30 йыл эсендә компания предприятиеларында 5 меңдән ашыу проект ғәмәлгә ашырылған. Улар иҫәбендә – нефтте әҙерләү өсөн блоклы-модулле ҡулайламалар, конденсатты тотороҡландырыу ҡулайламалары, блоклы тармаҡ насос станциялары, һыйымлы, йылылыҡ ал