Уларҙы бер кем дә онотмай

Салауат тарихи-тыуған яҡты өйрәнеү музейы хеҙмәткәрҙәре ҡаланың 7-се мәктәбе уҡыусылары өсөн “Элекке заман геройҙары” батырлыҡ дәресен үткәрҙе. Сара "Мәғариф" милли проектының "Граждандарҙы патриотик тәрбиәләү" федераль проекты маҡсаттарына ярашлы ойошторолдо. Сараның төп маҡсаты – Советтар Союзы һәм Рәсәй Геройҙары батырлыҡтары миҫалында уҡыусыларҙың Ватан тарихының героик биттәре тураһында аң даирәһен киңәйтеү. Батырлыҡ дәрестәре Ватанды һаҡлаусыларға ғорурлыҡ һәм хөрмәт тойғоһо тәрбиәләүгә, Ватан Геройҙарының батырлыҡтары хаҡында хәтерҙе һаҡлауға, Рәсәй тарихын өйрәнеүгә ҡыҙыҡһыныу уята. Ватан Геройҙары көнө – иң почетлы дәүләт наградаларына – Советтар Союзы, Рәсәй Федерацияһы Геройҙары, Дан һәм Изге Георгий ордендарына лайыҡ булғандарға юғары дәүләт һәм йәмәғәт ихтирамын күрһәтеү ул. Батырлыҡ дәресе башланыр алдынан уҡыусылар “Хәтер һәм дан” даими экспозицияһы менән танышты. Экскурсовод Василий Семенович Бекетов, Хәсән Багдеевич Әхтәмов, Алексей Яковлевич Сухоруков, Владимир Евгеньевич Трубановтың батырлыҡтары өлгөһөндә Ватаныбыҙ тарихының героик биттәре тураһында һөйләне. Сара һуңында ҡатнашыусылар һәләк булғандарҙы бер минутлыҡ тынлыҡ менән иҫкә алды. – Файҙалы патриотик сара өсөн ҡала музейы хеҙмәткәрҙәренә рәхмәт белдерәбеҙ. Беҙҙең бурыс – атай-олатайҙарыбыҙҙың батырлығын онотмау һәм хөрмәт итеү, үҫеп килгән быуында данлы батырлыҡ, Ватанға һөйөү традицияларын тәрбиәләүҙе дауам итеү, – тип билдәләне Салауат ҡалаһының 7-се мәктәбенән башланғыс кластар уҡытыусыһы Әлфиә Шафиҡова. Билдәле булыуынса, “Мәғариф” (национальный проект “Образование”) милли проекты Рәсәй Президенты Владимир Путиндың май указы менән булдырылды. Фото: Салауат ҡалаһы хакимиәте.