Яҡташыбыҙ Айһылыу Шәһивәлиеваның ҡурҡыныс сиргә дусар булыуы күптәргә билдәле. Күптән түгел бар республика менән уға ярҙам итер өсөн 10 миллион һумға яҡын аҡса йыйғайныҡ. Бер айҙан ул Төркиәгә барҙы, әммә анализдары насар булыуы сәбәпле, кире ҡайтырға тура килде. Һуңғы тапҡыр ул анализдарының насар булыуы һәм температураһының төшмәүе сәбәпле, химия терапияһына алмауҙарын хәбәр итте. Кисә Айһылыу Шәһивәлиева йәнә үҙенең хәле тураһында һөйләне: ”Бәйләнешкә сыҡмағанға ғәфү итегеҙ, минең бөтөнләй хәлем юҡ. Хәлем насарайғас, беҙ ике көн дауаханала тикшереү үттек: анализдар бирҙек, МРТ, УЗИ эшләнек. Һөҙөмтәләре беҙҙе бик борсоуға һалды. Миңә яҡынса өсөнсө стадиялағы түллек яман шеше (рак яичников), йәғни түллектә метастазалар диагнозы ҡуйҙылар. Артабан табиптар анализдарҙы әҙерләп, операцияға әҙерләнергә ҡуштылар. Тик 29 ноябрь ҡурҡыныс хәл булды: кискә өйҙә булғанда аяғымдағы шеш шартланы. Мин ныҡ ауыр хәлдә булдым. Алай ҙа тормош иптәшем янымда ине, “Тиҙ ярҙам” саҡыртып, шунда уҡ дауаханағ