Православный календарь
Неделя 23-я по Пятидесятнице
Рождественский пост
Постный календарь. Глас 6-й
Мч. Платона Анкирского (302 или 306) мчч. Романа, диакона, и отрока Варула (303) Мчч. Закхея, диакона Гадаринского, и Алфея, чтеца Кесарийского (303) Собор святых Эстонской земли Исп. Николая Виноградова, пресвитера (1948)
Наш канал на Телеграмм "Тропинка к Храму" https://t.me/TropinkakXramu
Помолимся в Воскресные этого дня
Тропарь, глас 6
Ангельския силы на гробе Твоем,/ и стрегущии омертвеша,/ и стояше Мария во гробе,/ ищущи Пречистаго Тела Твоего./ Пленил еси ад, не искусився от него;/ сретил еси Деву, Даруяй живот.// Воскресый из мертвых, Господи, слава Тебе.
Кондак, глас 6
Живоначальною дланию/ умершия от мрачных удолий,/ Жизнодавец, воскресив всех Христос Бог,/ воскресение подаде человеческому роду:/ есть бо всех Спаситель,// Воскресение и Живот, и Бог всех.
День памяти Мученику Платону Анкирскому
Кондак, глас 3
Святая твоя память вселенную веселит,/ созывающи верныя вся в пречестный храм твой,/ идеже ныне, радостию совокупльшеся,/ поем в песнех и светлостех./ Сего ради, Платоне, вопием ти:// языческаго нашествия избави град твой, святе.
Помолимся Мученикам Платону и Роману
Тропарь, глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.
Помолимся в этот день Собору Эстонских святых
Тропарь, глас 4:
Днесь ликует Церковь Эстонская, / ветвь плодоносна древа Российския церкве сущи / и, яко плоды красны, Христу приносящи, / святыя своя прославляет. / Тех молитвами, Господи, Православие в земли Балтийстей сохрани, / паству от расколов и междоусобия избави / и всем христолюбивым людем / даруй велию милость.
Кондак, глас 8:
Днесь святии земли Эстонския предстоят Богу / и усердно за ны Ему молятся, / Ангели славословят с ними, / и вси святии Церкве Российския им спразднуют, / о нас молят вси купно с Богородицею Превечнаго Бога.
Молитва
О всеблажении и богомудрии угодницы Божии, подвиги своими землю Эстонскую освятившии и телеса своя, яко семя веры, в ней оставльшии, душами же своими Престолу Божию предстоящии и непрестанно о ней молящиися! Се ныне, в день общаго вашего торжества, мы, грешнии, меньшии братия ваши, дерзаем приносити вам сие хвалебное пение. Величаем ваша великия подвиги, духовни воини Христови, терпением и мужеством до конца врага низложившии и нас от прелести и козней его избавляющии. Ублажаем ваше святое житие, светильницы Божественнии, светом веры и добродетелей светящиися и наша умы и сердца богомудренно озаряющии. Прославляем ваша великая чудеса, цвети райстии, в стране нашей прекрасне процветшии и ароматы дарований и чудес повсюду благоухающии. Восхваляем вашу богоподражательную любовь, предстателие наши и покровителие, и, уповающе на помощь вашу, припадаем к вам и вопием: вси святии сродницы наши, от лет древних просиявшии и в последния дни подвизавшиися, явленнии и неявленнии, ведомии и неведомии! Помяните нашу немощь и уничижение и молитвами вашими испросите у Христа Бога нашего, да и мы, безбедно преплывше житейскую пучину и невредимо соблюдше сокровище веры, в пристанище вечнаго спасения достигнем и в блаженных обителех Горняго отечества вкупе с вами и со всеми угодившими Ему от века святыми водворимся благодатию и человеколюбием Спасителя нашего Господа Иисуса Христа, Емуже со Превечным Отцем и со Пресвятым Духом подобает непрестанное славословие и поклонение от всех тварей во веки веков. Аминь.
Наш канал на Телеграмм "Тропинка к Храму" https://t.me/TropinkakXramu
Всем, дорогие братья и сестры, крепкого здоровья, душевного тепла любви и веры с помощью Божией и всех заступников наших небесных
Храни вас Господь !