Йәштәр араһында эшҡыуарлыҡ йылдан-йыл популярлаша бара. Тәүге тапҡыр форумдың йәш лидерҙарҙың «Рәсәйҙә һәм Ҡаҙағстанда йәштәр эшҡыуарлығы: тәжрибә уртаҡлашыу һәм партнерлыҡ перспективалары» пленар сессияһынан башланыуы ла осраҡлы түгел. Унда Рәсәй һәм Ҡаҙағстан төбәктәренең 130-ҙан ашыу вәкил ҡатнашты. Дмитрий Вольвач билдәләүенсә, «Бәләкәй һәм урта эшҡыуарлыҡ» милли проекты ярҙамында илдә бәләкәй һәм урта бизнестың «тотороҡло мөһим ҡатламын» булдырыу мөмкин булды. Уның һүҙҙәренсә, күп кенә йәш эшҡыуарҙар бәләкәй һәм урта бизнес аша ҙур бизнесҡа килә. Министр урынбаҫары билдәләүенсә, Рәсәй Федерацияһында 6,5 миллиондан ашыу бәләкәй һәм урта эшҡыуарлыҡ субъекты булдырылған һәм унда 28 миллиондан ашыу кеше мәшғүл. Ул шулай уҡ эшҡыуарҙарға ярҙам күрһәтеүҙәрен, шул иҫәптән «Минең бизнесым» үҙәге, «Бәләкәй һәм урта эшҡыуарлыҡ» платформаһы аша, льготалы кредиттар, шулай уҡ консультациялар биреүҙәре тураһында һөйләне. Башҡортостан Башлығы Радий Хәбиров үҙенең сығышында Рәсәйҙең Һәм Ҡаҙағстандың йәш эшҡыуарҙарының хеҙмәттәшлек итеү өсөн бөтә мөмкинлектәре барлығын билдәләне, сөнки Башҡортостан Ҡаҙағстан бизнесы менән мөнәсәбәттәрҙе үҫтереүгә етди иғтибар бүлә. Ҡаҙағстандың сауҙа һәм интеграция вице-министры Ҡайрат Торебаев, форумда ҡатнашыусыларҙы сәләмләп, Өфөнө халыҡ-ара форумды үткәреү майҙансығы сифатында һайлау ҡаҙаҡ һәм башҡорт халыҡтары араһында күп йыллыҡ хеҙмәттәшлек традициялары һәм төбәктең юғары үҫеш кимәле менән аңлатыла, тип билдәләне. Йәштәр эшҡыуарлығы темаһына һәм Рәсәй менән Ҡаҙағстан араһында хеҙмәттәшлек перспективаларына арналған йәш лидерҙар форумының пленар сессияһында ҡатнашыусылар үҙ позицияларын нығытыу, йәштәр бизнесы өсөн ярҙам программаларын нисек яҡшыраҡ файҙаланыу, халыҡ-ара хеҙмәттәшлекте нисек башлау, йәш эшҡыуарҙарҙың социаль яуаплылығын көсәйтеү һәм уларҙы ижтимағи әһәмиәтле мәсьәләләрҙе хәл итеүгә йәлеп итеү өсөн ниндәй саралар кәрәклеге, йәш эшҡыуарҙарҙың нығытыуҙағы роле тураһында әүҙем фекер алышты. Мәғлүмәт һәм фото: https://mgazeta.com/articles/vazhno/2024-11-26/molodye-predprinimateli-igrayut-klyuchevuyu-rol-v-prodvizhenii-biznesa-4025083
Был турала Өфөлә үткән XX Рәсәй менән Ҡаҙағстандың төбәк-ара хеҙмәттәшлеге форумын асҡан саҡта РФ иҡтисадты үҫтереү министры урынбаҫары Дмитрий Вольвач белдерҙе.