Республикаға идара итеү үҙәге юғары баһаланды

Бөгөн Башҡортостан Башлығы Радий Хәбиров һәм Өфөгә Рәсәй менән Ҡаҙағстандың ХХ Төбәк-ара хеҙмәттәшлек форумында ҡатнашырға килгән Премьер-министр урынбаҫары –Ҡаҙағстан Хөкүмәте Аппараты етәксеһе Ғалымйән Койшыбаев республикаға идара итеү үҙәгендә булды. Ғалымйән Койшыбаев кире бәйләнеш блогының эше менән танышты. Уның бурысы – мониторинг һәм республика халҡының мөрәжәғәттәрен аналитикалау. Вице-премьерға “Инцидент-менеджмент” мәғлүмәт системаһын да күрһәттеләр, ул социаль селтәрҙәге мөрәжәғәттәргә тиҙ арала иғтибар итергә һәм киҫкен мәсьәләләрҙе ваҡытында хәл итергә мөмкинлек бирә – бер аҙнала бында халыҡтың биш мең мөрәжәғәтен эшкәртәләр. Премьер-министр урынбаҫары – Ҡаҙағстан Хөкүмәте Аппараты етәксеһе ЦУР менән берләштерелгән мәғлүмәт панелдәренә, атап әйткәндә, һанлы майҙансыҡтары һәм фотоотчет системаһы булған “ТКО Башҡортостан” сүп-сар сығарыу буйынса дашбордҡа ҙур иғтибар бүлде. 36 меңдән ашыу контейнер майҙансыҡтары контролдә тотола. Ҡаҙағстан делегацияһы өсөн “Ташҡын 2.0” автоматик гидромониторинг системаһы һәм “Урманды һаҡлаусы” системаһы ҡыҙыҡһыныу тыуҙырҙы. Беренсеһе Башҡортостан һыу ятҡылыҡтарындағы һыу кимәлен күҙәтергә мөмкинлек бирә. Быға республика йылғаларында – 54 һәм һыу һаҡлағыстарҙа өс контроль нөктәһенән сығып өлгәшергә мөмкин. “Урманды һаҡлаусы” системаһына 14 комплекс инә, улар ярҙамында юлһыҙ таулы һәм урманлы урындарҙа сыҡҡан янғындарҙы күҙәтеп баралар. Ғалымйән Койшыбаев республиканың Идара итеү үҙәгендә уникаль эштәрҙе күреүен билдәләне, шул иҫәптән Ҡаҙағстан өсөн айырыуса көнүҙәк – ташҡынды күҙаллау һәм урман янғындары сығыу мониторингы. - Башҡортостанда төбәк менән идара итеүҙә электрон цифрлы ҡарарҙарға, һанлы менеджментҡа ҙур иғтибар бүлеүҙәре күренеп тора. Был республиканың ошо тармаҡта алдынғы урындарҙы биләүе хаҡында һөйләй, - тине Ғалымйән Койшыбаев. Делегация составында килгән Көнсығыш-Ҡаҙағстан өлкәһе Аҡымы Ермек Кошербаев шулай уҡ ЦУР эшләнмәләрен юғары баһаланы һәм тәжрибә уртаҡлашыу өсөн бында һанлаштырыу өлкәһе белгестәрен ебәрәсәге хаҡында хәбәр итте. Фото: Башҡортостан Башлығы сайты.