Федоровка районының Бала Сытырман мәктәбендәге “Рәсәй патриоттары” хәрби-патриотик клубы тураһында тирә-яҡта яҡшы беләләр. Мәктәптә тарих, йәмғиәтте өйрәнеү һәм “Хәүефһеҙлек нигеҙҙәре һәм Тыуған илде һаҡлау” фәндәренән белем биреүсе Булат Зөбәйеров тырышлығы менән барлыҡҡа килә бындай клуб. Бала саҡтан хәрби булырға ынтылып үҫә ул. Мәктәптән һуң тәүҙә Тверь ҡалаһында Суворов хәрби училищеһын, һуңынан Ставрополдә летчиктар һәм штурмандарҙың юғары хәрби авиация училищеһын тамамлай. Ләкин яҙмыш уны ҡабат тыуған яҡтарына алып ҡайта. Башҡорт дәүләт университетының тарих факультетын тамамлап, тыуған мәктәбендә хеҙмәт итә башлай. Белем биреп кенә ҡалмай, иң мөһиме уҡыусыларҙың күңелендә тыуған еренә һөйөү ҙә тәрбиәләй уҡытыусы. “Рәсәй патриоттары” клубында шөғөлләнеүсе балалар автоматты һүтеү һәм йыйыу, атыу, сапер эше, хәрби-тактик медицина әҙерлегенең барлыҡ нескәлектәрен өйрәнеп үҫә. Һөҙөмтәләр ҙә ҡыуанырлыҡ. ”Зарница” хәрби спорт уйындарында бер нисә тапҡыр республика кимәлендә еңеү яу