2024 йылдың 9 айында “Башҡортостан энергия һатыу компанияһы”нда (“ЭСКБ”) сәғәтенә 10,5 миллиард кВт, тауар ебәреү 48,5 миллиард һум тәшкил иткән. Был хаҡта предприятиеның генераль директоры Андрей Травкин аҙналыҡ оператив кәңәшмә барышында хәбәр итте. Уны Башҡортостан Башлығы Радий Хәбиров үткәрҙе. “ЭСКБ”ның клиенттары – бөтәһе 1,8 миллиондан ашыу кеше һәм 53 мең юридик берәмек. Компания республикала электр энергияһы баҙарының 50 проценттан ашыуын биләй. – Предприятиела электр энергияһын файҙаланыуҙың тотороҡло үҫеше теркәлә, был клиент базаһының артыуы менән аңлатыла, – тип билдәләне Андрей Травкин. – 2025 йылға тауар ебәреү прогнозы 80 миллиард һум самаһы тәшкил итә. Йыл һайын уртаса үҫеш – 9,5 процент. Башҡортостанда электр энергияһына төп тариф - Волга буйы федераль округында иң түбәндәрҙең береһе. Ул сәғәтенә 4,36 һум\кВт тәшкил итә. “ЭСКБ” электр энергияһы менән өҙлөкһөҙ тәьмин итеүгә, импортҡа бәйлелекте һәм хәүефһеҙлекте тәьмин итеүгә йүнәлтелгән инвестиция проекттарын әүҙем ғә