3 декабрҙә Республика йортонда Башҡортостан Башлығы Радий Хәбиров “Креатив иҡтисад” автономиялы коммерцияға ҡарамаған ойошма етәксеһе Марина Монгуш менән осрашты. Яҡтар төбәктә креатив индустрия үҫеше перспективалары тураһында һөйләште, иҡтисадтың был секторының проекттарын тормошҡа ашырыу өсөн хеҙмәттәшек тураһында килешеү төҙөнө. Хәтерегеҙгә төшөрәбеҙ, быйыл 8 августа Рәсәй Президенты Владимир Путин “Рәсәй Федерацияһында креатив индустриялар үҫеше тураһында” федераль законға ҡул ҡуйҙы. Уның маҡсаты – ижади һәм интеллектуаль потенциалды файҙаланыу нигеҙендә үҙмәшғүллек өсөн шарттар тыуҙырыу. Дәүләт башлығы иҡтисадтың креатив индустрия өлөшөн алты процентҡа тиклем арттырыу бурысын ҡуйҙы. Башҡортостанда был тармаҡ 17 йүнәлеште берләштерә, уға музыка, кино, анимация, видеоуйындар, дизайн, архитектура, мәҙәни мираҫ, гастрономия инә. Республикала тейешле концепцияны раҫланылар һәм креатив индустрия үҫешенең төбәк стандартын тормошҡа ашырыуға ҡушылдылар. Быны стратегия башланғыстар агентлығ