Бишкектик симфониялык оркестрдин башкы дирижёру Урмат Тентимишов Санкт-Петербургдогу Шостакович атындагы эл аралык конкурста III даражадагы лауреат болду.
🎶 Бишкек мэриясынын чоң симфониялык оркестринин башкы дирижёру жана көркөм жетекчиси Урмат Тентимишов Д.Д. Шостакович атындагы Эл аралык музыкалык конкурстун лауреаты болду.
🏆 Санкт-Петербург шаарында өткөн бул музыкалык конкурс дүйнөнүн ар тарабынан келген таланттуу музыканттарды чогултту. Конкурста Урмат Тентимишов “Дирижёрлор” номинациясында III даражадагы лауреат болуп таанылды.
🌍 Катышуучулардын иштери Россиянын эмгек сиңирген артисттери, дирижёрлор жана Москва менен Санкт-Петербург консерваторияларынын окутуучулары сыяктуу алдыңкы маданият ишмерлери тарабынан бааланды.
🎓 Урмат Тентимишов Рахатбек Осмоналиев жана Бакыт Тилегеновдун жетекчилиги астында билим алууда. Анын жеңиши кыргыз музыкалык мектеби үчүн чоң жетишкендик жана эл аралык аренада жергиликтүү аткаруучулардын кесиптик өсүшүнүн ачык мисалы болуп саналат.