Һуңғы ваҡытта балаларға ҡолаҡҡа ятмаған исемдәр ҡушыла. Башҡортостандың атҡаҙанған артисы Рафиҡ Хәсәнов үҙенең "Бәйләнештә"ге сәхифәһендә улына исем ҡушыу тураһындағы хәтирәләрен уртаҡлашты. "2002 йылда беренсе улым тыуғанда мин Сибай театрында актер булып эшләп йөрөй инем. Дөйөм ятаҡта йәшәйбеҙ. Бер көндө кәләшем: "Әйҙә, Зөһрә инәйҙе һәм абыстайҙы сәйгә алайыҡ", - ти. Мәйтәм, ярай. Саҡырылған ваҡытҡа килде былар. Өҫ кейемдәрен сисеп, аяҡтарын һалған мәлдә абыстай: "Малайға кем тип исем ҡуштығыҙ?" - тип һорай ҡуйҙы. "Арыҫлан!"- тим. Ә ул ҡолаҡҡа ҡатыраҡ икән. "Ә?"- тип тик тора. Өс-дүрт тапҡыр ҡабатлап, бишенсегә ҡысҡырып әйткәндән һуң барып етте әбейемә. "Ә!Арыҫлан..." Эйелеп кәлүшен рәтләгәндә үҙ алдына ғына: "Хайуан исеме ҡушҡандар икән..." - тип ҡуйҙы. Һуңынан, улар ҡайтҡас, кәләшемә абыстай "хайуан исеме ҡушҡанһығыҙ" тип әйтте тиһәм, ҡатыным (ул - ғәрәп теле буйынса белгес): "Хәйҙәр исеме лә ғәрәпсә шул уҡ хайуан — арыҫланды аңлатҡанын белдеме икән абыстайыбыҙ",- тип ихлас көлөп ҡ