Бишкек шаарынын мэри Айбек Жунушалиев шаардык кызматтар жана Улуттук оорукана жетекчилиги менен жолугушуп, жер пайдалануу мыйзамдуулугун текшерип, айлананы жашылдандыруу жана жакшыртуу боюнча тапшырмаларды берди.
🛠️ Бишкек шаарында учурда Улуттук оорукананын жанында жер астындагы жөө жүрүүчү өтмөк курулууда.
🌳 Мэр Айбек Жунушалиев муниципалдык кызматтарга өтмөктүн кире беришиндеги аймакты бошотууну тапшырды.
🏗️ Оорукананын айланасындагы объекттердин мыйзамдуулугун текшерүү тапшырмасы берилди. Мыйзам бузуулар аныкталса, жер пайдаланууну көзөмөлдөө башкармалыгы объекттерди өз ыктыяры менен демонтаждоо боюнча билдирүүлөрдү берүү керек.
🚑 Оорукананын айланасын жашылдандыруу жана жакшыртуу боюнча чараларды көрүү тапшырмасы берилди. “Бишкекасфальтсервис” менен биргеликте оорукананын периметри боюнча тротуар куруу жана тез жардам унаалары үчүн чектөө белгилерин орнотуу боюнча сунуштарды кароо.
🏡 Жеке турак жай ээлерин аныктап, алардын айланасындагы аймакты туура эмес кармаганы үчүн көрсөтмөлөрдү берүү тапшырмасы берилди.
🧹 Оорукананын жетекчилигине айланасын таза кармоо жана бейтаптар менен шаар тургундары үчүн шарттарды түзүү милдети коюлду. Улуттук оорукананын айланасын жакшыртуу боюнча бардык маселелерди комплекстүү кароо керек.