Алматы-Бишкек Экономикалык коридорунун алкагында транспорт жана инфраструктураны өнүктүрүү боюнча кыргыз-казак жумушчу тобунун алтынчы жыйыны өтүп, альтернативдүү автожол жана электробустук байланыш боюнча маанилүү чечимдер кабыл алынды.
🚧 Алматы – Бишкек экономикалык коридорунун транспорт жана инфраструктурасын өнүктүрүү боюнча алтынчы кыргыз-казак жумушчу тобунун жыйыны Алматы шаарында өттү.
🤝 Жыйын Кыргыз Республикасынын транспорт жана коммуникациялар министринин биринчи орун басары Талантбек Солтобаев жана Казакстандын транспорт министрлигинин автомобиль жолдору комитетинин төрага орун басары Жамбыл Бахтиярдын жетекчилиги астында өттү.
📋 Жолугушууда тараптар альтернативдүү Алматы-Ысык-Көл автожолу боюнча техникалык тапшырманын курамы жана техникалык-экономикалык негиздеменин негизги параметрлери боюнча принципиалдуу чечимдерди кабыл алышты.
🚍 Алматы-Бишкек электробус каттамын илгерилетүү боюнча кийинки кадамдар аныкталды жана бул чечимдер жыйындын протоколуна кол коюу менен бекитилди.
🚀 Тараптар долбоорду тездетип илгерилетүү үчүн зарыл чараларды кабыл алууга макулдашышты.