Кыргызстанда "Караван просвещения бизнеса" аттуу маалымат кампаниясы өтүп, ишкерлерге экономикалык жана укуктук өзгөрүүлөр тууралуу маалымат берилүүдө. 800дөн ашуун ишкер катышты.
📢 Кыргызстанда бардык аймактарды камтыган “Бизнес агартуу кербени” аттуу маалымат кампаниясы өткөрүлүп жатат.
📈 Кампаниянын максаты – ишкерлерди жана бизнес өкүлдөрүн экономикалык, салык жана укуктук өзгөрүүлөр менен тааныштыруу, бизнес чөйрөсүндөгү актуалдуу маселелерди талкуулоо жана алардын чечүү жолдорун сунуштоо.
📊 Иш-чарада 800дөн ашуун ишкерлер катышып, ыйгарым укуктуу органдар тарабынан текшерүүлөрдү жүргүзүү тартиби, салык мыйзамдарындагы негизги өзгөрүүлөр, бизнеске мамлекеттик колдоо чаралары, туристтик сектордогу жаңы мүмкүнчүлүктөр жана ишкерлер үчүн милдеттүү камсыздандыруунун негизги түрлөрү жана талаптары боюнча маалымат алышты.
🤝 Бул иш-чара ишкерлердин жана бизнес коомчулуктун мамлекеттик реформалар жана бизнес чөйрөсүндөгү өзгөрүүлөр боюнча маалымдуулугун жогорулатууга өбөлгө түзөт, мамлекеттик органдардын өкүлдөрүнөн жеке консультация алуу, көйгөйлөрдү талкуулоо жана алардын чечүү жолдорун табуу мүмкүнчүлүгүн берет.
📅 Мындан аркы жолугушуулар Нарын шаарында 1-апрелде, Караколдо 3-апрелде, Таласта 8-апрелде, Токмокто 10-апрелде, Кара-Балтада 15-апрелде жана Бишкекте 16-апрелде өтөт.