🦌 Ураджэнец Гродзеншчыны і гродзенскі староста, дзякуючы якому Гродна сталася месцам працы розных дзяржаўных установаў ВКЛ і шэрагу мануфактур.
🧜♀️ 240 гадоў таму, 31 сакавіка 1785 года, у Варшаве памёр Антоні Тызенгаўз.
🧸 Нарадзіўся ў 1733 годзе ў Наваельні (сёння 🪵 Дзятлаўскі раён Гродзенскай вобласці). Паходзіў са шляхецкага роду Тызенгаўзаў, сын Бенедыкта Тызенгаўза і Ганны з Бяганскіх.
🏇 Вучыўся ў Вільні ў калегіуме езуітаў. З 1765 года займаў пасаду падскарбія надворнага літоўскага, быў гродзенскім старостам пры каралі Станіславе Аўгусце Панятоўскім. Дзякуючы яго намаганням, Гродна стаў месцам працы розных дзяржаўных устаноў Вялікага Княства Літоўскага: Скарбовай камісіі, Вярхоўнага Трыбунала, задворнага асэсарскага суда. Заснаваў у горадзе і яго ваколіцах шэраг мануфактур: суконную, палатняную, зброевую, панчошную, карэтную і іншыя. Ім жа быў адчынены першы ў Гродне тэатр.
🐂 Пахаваны ў фамільным склепе ў касцёле ў Жалудку (сёння Шчучынскі раён Гродзенскай вобласці).
⛪️ Помнікі Антонію Тызенгаўзу ўстаноўлены ў Гродзенскім Фарным касцёле, у Паставах; яго імем названа плошча ў Гродне.
Чытайце таксама:
Т-Тызенгаўз. 5 фактаў пра рэфарматара, якога абвінавацілі ў растраце казны
