“Һаумыһығыҙ, минең исемем – Артур. Мин почтала эшләйем. Һеҙҙең исемгә заказлы хат килде”, – тинеләр теге башта. “Хәйерле көн. Мин бер ниндәй ҙә заказлы хат көтмәй инем бит әле”, – тип аптыраны Лилиә. “Эйе, әйҙәгеҙ, тағы бер тапҡыр тикшереп ҡарайыҡ. Һеҙҙең исемегеҙ – Лилиә. Фамилияғыҙ фәләнсә, тыуған йылығыҙ ошолай. Йәшәгән адресығыҙ шундай. “Дөрөҫ. Әммә мин заказлы хат көтмәйем”. “Бөтәһе лә тәүҙә шулай ти. Күрәһең, был хатта бик мөһим мәғлүмәт бар. Кемдер һеҙгә сюрприз эшләргә булғандыр – ундай хәлдәр беҙҙә йыш осрай. Етмәһә, тиҙҙән тыуған көнөгөҙ ҙә икән”. “Һеҙ хаҡлылыр, моғайын. Мин шикләнеүсән кеше шул. Ярай, был хатта миңә нисек алырға?” “Тәүҙә адресығыҙҙы “Telegram”дағы чат-бот аша раҫларға кәрәк”. “Telegram”да? Ә ни өсөн унда? “Был – беҙҙең клиенттарға уңайлы булһын өсөн индергән яңы ысулыбыҙ. Фәҡәт ошо һылтанма буйынса күсегеҙ (бот буйынса фейк һылтанмаһы), ундағы форманы тултырығыҙ”. “Ә ниндәй мәғлүмәттәр кәрәк?” “Беҙгә һеҙҙең телефон номерын һәм “Дәүләт хеҙмәттәре” порталындағ