Казакстандын белгилүү пианисти Макпал Кабден жана А. Джумахматов атындагы мамлекеттик симфониялык оркестр 3-апрелде Т.Сатылганов атындагы филармонияда Морис Равелдин 150 жылдыгына арналган концерт коюшат. Программада Равелдин белгилүү чыгармалары, анын ичинде "Болеро" жана "Дафнис жана Хлоя" балетинин экинчи сюитасы аткарылат. Концертте эл аралык конкурстардын жеңүүчүсү Макпал Кабден солист катары катышат.
🎹 Кыргызстандын Улуттук филармониясынын сахнасында 3-апрелде белгилүү казак пианисткасы Макпал Кабден жана А. Джумахматов атындагы Мамлекеттик академиялык чоң симфониялык оркестри Морис Равелдин музыкалык чыгармаларынын концертин тартуулашат.
🎼 Бул концерт улуу француз композитору Морис Равелдин 150 жылдыгына арналат. Программада анын белгилүү чыгармалары аткарылат.
🎻 «Дафнис жана Хлоя» балетинин экинчи сюитасы композитордун оркестровкадагы чеберчилигин жана үн боёкторунун байлыгын чагылдырат.
🎷 Фортепиано жана оркестр үчүн №1 соль мажор концертинде джаз жана классикалык музыканы айкалыштырат.
🥁 1928-жылы жазылган «Болеро» Равелдин эң белгилүү чыгармасы болуп, кайталанып турган ритмдин фонунда оркестрдик текстуранын үзгүлтүксүз күчөшүн көрсөтүп, гипноздук таасир жаратат.
🎼 Солистка Макпал Кабден Кытайда төрөлүп, Париждеги Альфред Корто атындагы Жогорку музыкалык мектептин аспирантурасын бүтүргөн. Ал Ravel Piano Arts School искусство мектебинин негиздөөчүсү жана активдүү концерттик ишмердүүлүк жүргүзөт.
🎶 Концертти Кыргыз Республикасынын эл артисти Рахатбек Осмоналиев жетектеген А. Джумахматов атындагы Мамлекеттик академиялык чоң симфониялык оркестри коштойт.