Муздардын тез эрип кетиши климаттын өзгөрүшүнөн улам эки миллиард адамды суу жана азык-түлүксүз калтыруу коркунучун туудурат. Тоолордогу кардын ордуна жаан жаап, кургакчылыкты күчөтүп, күтүүсүз суу ташкындарын пайда кылат. Бул өзгөрүүлөр тоолуу аймактардагы жашоочуларга олуттуу коркунуч туудурат.
🌍 ЮНЕСКО эки миллион адамды суу жана азык-түлүк жетишсиздиги коркунучуна кептеген мөңгүлөрдүн тез жоголушу тууралуу эскертет.
💧 Климаттын өзгөрүшүнөн улам тоо мөңгүлөрү жана карлар эрип, дарыялар менен суу сактагычтарды толуктабай калды. Бул айыл чарбасына жана калкты камсыздоого терс таасирин тийгизүүдө.
🚜 Дүйнөдөгү сугат аянттарынын үчтөн экиси тоолуу аймактардан алынган суу ресурстарына көз каранды. Өнүгүп келе жаткан өлкөлөрдө мындай аймактардагы калктын жарымы азык-түлүк жетишсиздигине туш болууда.
🌦️ АКШда Колорадо дарыясынын бассейни 20 жылдан ашуун убакыттан бери кургакчылыкты башынан кечирүүдө. Бул көйгөй өнүккөн өлкөлөргө да коркунуч туудурууда.
🌡️ 2025-жылы жарыяланган Дүйнөлүк суу ресурстары тууралуу отчетто мөңгү массасынын рекорддук жоголушу катталган. Чыгыш Африкада мөңгүлөрдүн 80 пайызы, Андда жарымы, Альп жана Пиреней тоолорунда 40 пайызы жоголгон.
☔ Кардын ордуна жааган жамгыр тез эле агып кетип, кургакчылык күчөп, көчкүлөр көбөйүп, капыстан суу ташкындарын жаратууда.
🔥 Мөңгүлөрдүн эриши кара топуракты ачып, күн нурун көбүрөөк сиңирип, глобалдык жылуулукту тездетүүдө. Ошондой эле, эриген түбөлүк тоңдон метан — күчтүү парник газы бөлүнүп чыгат.
🆘 Эксперттер тоолуу аймактардагы таза суу ресурстарын коргоо үчүн тез арада колдоо көрсөтүүнүн зарылдыгын белгилешет. Болбосо, мөңгүлөрдүн эришинин кесепети миллиарддаган адамдар үчүн чоң кризиске алып келиши мүмкүн.