Кыргызстанда 2025-жылы деградацияга учураган жайыттарды калыбына келтирүү үчүн 54 миллион сомдон ашык суммага эспарцет жана жайыт чөптөрүнүн үрөндөрү сатып алынып, 2 810 гектар жерге себилди.
🌱 Кыргызстанда деградацияга учураган жайыттарды калыбына келтирүү үчүн эспарцет жана чөптөрдүн уруктары 54 миллион сомдон ашык суммага сатып алынды.
🌾 2025-жылга карата жайыттарды жакшыртуу максатында 12 миллион сомго 94 462 кг эспарцет уругу жана 42 миллион 252 миң 337 сомго 137 725 кг жайыт чөптөрүнүн уруктары сатып алынды.
🚛 Бул уруктар өлкөнүн ар кайсы аймактарына өз убагында жеткирилип, ошол аймактардагы дыйкандар жана жайыт колдонуучулары арасында бөлүштүрүлдү.
🌿 Деградацияга учураган жайыттарды калыбына келтирүү үчүн 15 299 гектар аянтка себүү иштери активдүү уланууда.
✅ Ош облусунда себүү иштери ийгиликтүү аяктады: Кара-Кулжа районунда 175 га, Өзгөн районунда 754 га, Кара-Суу районунда 580 га, Ноокат районунда 70 га жана Араван районунда 31 га.
🌾 Жалал-Абад облусунда Ноокен районунда 900 га жана Сузак районунда 300 га аянтка себүү иштери жүргүзүлдү.
🌱 Жалпысынан 2 810 гектар деградацияга учураган жайыт жерлери чөптөрдүн аралашмасы жана эспарцет уруктары менен себилди.