Бакыт Торобаев Чүй облусунун Аламүдүн районундагы "Салих Аква" заманбап балык чарбасын ачты. Долбоордун баасы 576 миң долларды түзүп, 1 млн чабак өндүрөт.
🐟 Аламудун районунун Гроздь айылында жаңы заманбап “Салих Аква” балык чарба комплекси ачылды. Бул иш-чарага министр Бакыт Торобаев катышып, комплекстин ишмердүүлүгү менен таанышты.
💰 Долбоордун жалпы наркы 576 миң АКШ долларын түзүп, ал Россия-Кыргыз өнүктүрүү фонду тарабынан каржыланды.
🌊 Комплекс форель жана осетр балыктарынын уруктарын инкубациялоого арналган жана бир инкубациялык циклде 1 миллион чабак өндүрүүгө жөндөмдүү.
🚜 Бул долбоор фермерлерди чабак менен камсыз кылуу жана өлкөдө аквакультураны өнүктүрүү үчүн шарттарды түзөт. Ошондой эле, ички балык керектөөнү камсыз кылып, экспорттун көлөмүн көбөйтүүгө өбөлгө түзөт.
🏞️ Торобаев Ленин айылындагы “Митрофановка” балык чарбасынын ишмердүүлүгү менен да таанышты. Бул чарбага 10 жылга 4 гектар жер берилген жана жылына 3 миллион чабак өндүрүүгө жөндөмдүү.
👷 Бул долбоорлордун алкагында 150 жумуш оруну түзүлгөн.