Бишкек шаарында Улуттук онкология жана гематология борборунун мурдагы жетекчиси 0,46 га жер тилкесин мыйзамсыз ээлеп алган. Ал жерге мыйзамсыз курулуштарды куруп, 28 жыл жашап келген. Жер тилкеси мамлекеттик баланска кайтарылды.
📰 Бишкекте Улуттук онкология жана гематология борборунун (УОГБ) мурдагы жетекчилеринин бири борборго таандык жер тилкесин мыйзамсыз өздөштүргөнү аныкталды.
⚖️ УОГБнын мурдагы директорунун орун басары К.О.И. жеке пайда табуу максатында өз ыйгарым укуктарын кыянаттык менен пайдаланып, борборго таандык 0,46 гектар жер тилкесин мыйзамсыз ээлеп алган.
🏗️ 1997-жылы К.О.И. өз атынан УОГБ менен келишим түзүп, 60 унаа токтотуу үчүн убактылуу гараж уюштуруу максатында жерди ижарага алган. Андан кийин эч кандай уруксат документтери жок эле бир нече бир кабаттуу турак үйлөрдү куруп, алардын биринде 28 жыл бою жашап келген.
📋 Жер тилкеси Бишкек шаарынын мэриясынын же УОГБнын муниципалдык мүлкү катары катталган эмес жана 28 жыл бою кадастрдык органдарда идентификациялык кодго ээ болгон эмес.
🏥 Жер тилкесинде операциялык блок жана бильярд мекемеси курулган. Бул жер тилкеси оорулуулар үчүн кошумча палаталарды куруу үчүн колдонулушу мүмкүн эле.
🔍 Көрүлгөн чаралардын натыйжасында К.О.И. менен УОГБ ортосундагы келишим бузулуп, жер тилкесине идентификациялык код берүү иштери жүргүзүлүп, ал мамлекеттин балансына өткөрүлүп берилди.