Кыргызстандын Монголиядагы элчиси Айбек Артыкбаев менен Монголиянын Улуттук соода-өнөр жай палатасынын президенти Лхагважав Тор-Од кыргыз-монгол соода-экономикалык кызматташуусун өнүктүрүүнү талкуулашты. Алар бизнес форумду уюштуруу жана эки өлкөнүн ишкерлеринин байланыштарын чыңдоо маселелерин карашты. Монгол тарап соода жана инвестиция жаатындагы жаңы долбоорлорду ишке ашырууга даяр экенин билдирди.
🇰🇬 Кыргызстандын Монголиядагы элчиси Айбек Артыкбаев Монголиянын Улуттук соода-өнөр жай палатасынын президенти Лхагважав Тор-Од менен жолугушту.
🤝 Жолугушууда тараптар кыргыз-монгол соода-экономикалык кызматташтыгын өнүктүрүү маселелерин талкуулашты, анын ичинде эки өлкөнүн ишкерлеринин ортосундагы байланыштарды чыңдоо жана кыргыз-монгол бизнес форумун уюштуруу маселелери каралды.
📈 Элчи Кыргыз-монгол ишкердик кеңешинин ишин активдештирүүнү жана анын жыйынын быйылкы жылы өткөрүүнү сунуштады.
🇲🇳 Л. Тор-Од монгол тараптын өз ара пайдалуу соода-экономикалык кызматташтыкты бекемдөө жана кеңейтүү, ошондой эле соода жана инвестиция жаатындагы жаңы келечектүү долбоорлорду ишке ашыруу боюнча даярдыгын билдирди.
📝 Жолугушуунун жыйынтыгында тараптар талкууланган маселелер боюнча активдүү өз ара аракеттенүүнү улантууга макулдашышты.