🪺 У Гродне да Вялікадня адбудзецца фестываль-кірмаш рамеснікаў
Напярэдадні Вялікадня, 12 красавіка, у цэнтры Гродна пройдзе свята пад назвай «Гродзенскія традыцыі да свята Вялікадня».
Рамеснікі з усіх раёнаў вобласці прадставяць свае вырабы: велікодныя пісанкі, казюкі і вербныя галінкі, паштоўкі, кошыкі, вязаныя сурвэткі, цацкі і разнастайныя сувеніры.
Паводле інфармацыі Гродзенскага абласнога метадычнага цэнтра народнай творчасці, адметнасцю мерапрыемства стане ўдзел майстроў, якія валодаюць рэдкімі тэхнікамі, уласцівіымі менавіта нашаму рэгіёну. Гэтыя традыцыі занесены ў Спіс гісторыка-культурных каштоўнасцей Рэспублікі Беларусь.
Для самых дзяцей будзе арганізавана спецыялізаваная пляцоўка з гульнямі, кнігамі і кантактным заапаркам.
Праграма мерапрыемстваў:
🤩13:00 – Урачыстае адкрыццё свята
🤩14:30–17:00 – «Вялікдзень – крыніца радасці» (канцэртная праграма фальклорных калектываў)
🤩14:00–17:00 – «Велікоднае дзіва» (гульнёвая пляцоўка тэатраў гульні Гродзеншчыны)
🤩13:00–17:00 – «Колеры шчаслівага дзяцінства» (дзiцячая пляцоўка з канструктарамі, цацкамі, кнігамі, інтэрактывамі)
🤩13:00–17:00 – Кантактны заапарк
🤩13:00–18:00 – Выстаўка-продаж вырабаў рамеснікаў (усё неабходнае да свята Вялікадня)
🤩13:00–17:00 – Майстар-класы па вырабу велікодных вербаў (пальмаў ці казюкаў), сапоцкінскіх пісанак з удзелам носьбітаў элементаў гісторыка-культурнай каштоўнасці Рэспублікі Беларусь
📍Гродна, вул. Савецкая, пляцоўка МЦ «Гродна»
