Փաշինյանը սեպտեմբերին սպասվող համագումարում մի շարք անդամների դուրս կթողնի վարչությունից․ ԶԼՄ

ՔՊ-ում արդեն գիտեն, թե սեպտեմբերին սպասվող համագումարում ովքեր չեն ընտրվի վարչության անդամ, հայտնել է «Հրապարակ» օրաթերթը՝ հղում անելով իր աղբյուրներին։

Ըստ թերթի՝ ՀՀ վարչապետ Նիկոլ Փաշինյանն ամենամոտ մարդկանց ուղղորդելու միջոցով փորձում է իր ցանկալի վարչությունը ձևավորել։

Լրատվականը պարզաբանել է, որ այնտեղ չեն լինի պատգամավորներ Արփի Դավոյանը, որը վերջին նիստերին չի հաճախում, Վաղարշակ Հակոբյանը, որը մոտ է օլիգարխներին, Սասուն Միքայելյանը, որը Փաշինյանի ընդդիմախոսն է և Կոտայքի մարզի «տեր-տնօրեն» է դարձել, ՏԿԵ նախկին նախարար Գնել Սանոսյանը, որի թոշակառու մոր շքեղ առանձնատունը մեծ աղմուկ էր բարձրացրել, Երևանի փոխքաղաքապետ Արմեն Փամբուխչյանը, որի թոշակառու հայնը, որը հովանավորչությամբ մեծ վարկ էր ձևակերպել:

Թերթը նշել է, որ Երևանի քաղաքապետ Տիգրան Ավինյանին ևս վարչությունից հեռացնելու նպատակ կա, սակայն Ավինյանն աջակիցների մեծ խումբ ունի կուսակցությունում, հետևաբար առանց Փաշինյանի հրահանգով նրան կալանավորելու դժվար կլինի դուրս թողնել վարչությունից։

Ավելի վաղ մամուլը գրել էր, որ Ավինյանը մարտի 4-ին քաղաքապետարանի հանրային ծառայությունների վարչության պետին բերման ենթարկելուց հետո ծրագրում է «հակահարձակում» սկսել, քանի որ ձերբակալությունների հիմքում տեսել էր քաղաքական ուղղորդում։

Փետրվարի 6-ին Հակակոռուպցիոն կոմիտեի նախագահի մամուլի խոսնակ Մարինա Օհանջանյանն Armenia Today-ին տեղեկացրել էր, որ կոռուպցիոն բնույթի գործի շրջանակում փետրվարի 5-ին ձերբալավել է 8 անձ, որոնց թվում Երևանի քաղաքապետարանի 3 պաշտոնյա էր։ Նրանցից 4-ի նկատմամբ ավելի ուշ կալանք էր կիրառվել, 4-ից 3-ը քաղաքապետարանի պաշտոնյաներ էին։

Նորություններին հետևեք մեր կայքում, ինչպես նաև Telegram-ում և YouTube-ում