Аалай уоттаах сулуһум, айар тутар суолдьутум, Эн комсомол, Эн комсомол, Эн комсомол - мин дьолум диэн , оччотоо5у Манаас ыччатын комсомолецтара өрүү сценаҕа тахсан, хорунан ыллаан доргутан, иннилэригэр сыдьаайар сулуһу өрө тутан 80 – с сыллардааҕы эдэр ыччат туьунан уонна комсомол теруттэммитэ 100 сылыгар анааммын, комсомол сылларбын ахтан – санаан ааьыахпын ба5ардым. Биьиги эмиэ Боотулуу орто оскуолатын 60 – ча буолан ситиьиилээхтик уерэнэн бутэрэн,о5о сааспытыттан арахсан, эрчимнээх эдэр саас сарсыннытын салайса комсомольскай путевканнан , Боотулуу, Манаас, Сургуулук, Кетердеех отделенияларыгар, орто оскуола – производства – урдук уерэх ынырыытынан, бары тутуспутунан улэлии хааларга дуогабардаьан уруе – тараа тар5аспыппыт. Биьиги Манааспыт отделениятыгар 11 буолан ус сыл дуогабардаьан улэлииргэ санаммыппыт. Ол кэмнэ Боотулуу совхоз директорынан Анисимов Иннокентий Васильевич, партком Николай Николаевич Долгунов, комком Тамара Игнатьевна Антонова улэлииллэрэ. Манаас сельсоветын председателинан Павел Ионович Львов, секретарынан Петр Акимович Акимов, отделения управляющайынан Спиридон Саввич Васильев, зоотехнигынан Матрена Николаевна Поскачина, комсомольскай тэрилтэ секретарынан Алексей Степанович Степанов улэлиир этилэр. Кыргыттар бары тутуспутунан Дора Васильева, Галя Степанова, Шура Прокопьева, Изабелла Иванова буолан, Тимирдьин сайылыгар комсомолка Светлана Львова старшайдаах ыччат – комсомольскай ферматыгар ыанньыксыттыы , сорохтор ньирэй керуутугэр тахсыбыппыт. Уут ыаьыныгар былаан, ньирэй телеһуутугэр былаан , о5о санаабытыгар улаханна уурбатахпыт. Уолаттар Володя Алексеев, Миша Саввинов, Виктор Михайлов, Сидор Прокопьев, Федя Дяриков, Федя Тимофеев, Виктор Прокопьев, эмиэ отделения араас улэтигэр оттуур звеноларга, сорохтор механизация5а улэлии хаалбыттара. Бары да активнай позициялаах ыччаттар этибит.Хаьан да « улэ ыарахан» диэн ча5ыйбакка, сарсыарда эрдэлээн, киэьэ хойутаан, сылайары билбэккэ уерэ – кете, ырыа – тойук буолан улэлээбиппит. Туунун теье да дэриэбинэттэн ыраах ферма5а, от звенотугар улэлиир бииргэ уерэммит уолаттарбыт кэлэн ыалдьыттаьан сэьэргэьэн, сарсыардааны куну керсен ерге диэри мээчиктээн, кутаа тула олорон гитараннан ырыа ыллаан утуйбакка да эрэ улэбитигэр ыстанарбыт. Сотору – согтору совхозтан, отделенияттан кэлэн улэбитин бэрэбиэркэлээн, хонтуруоллаан бараллара.Утуе субэьиппитинэн отделения зоотехнига Матрена Поскачина, ветеринар Марина Петрова, совхозтан комком Тамара Антонова буолаллара.Кинилэр сотору сотору кэлэн улэбитигэр - хамнаслытыгар теьуу тирэх буолаллара Аны санаатахха электроэнергията суох, телевизора суох хайдах олорбуппут эбитэ буолла. Арай «Романтика» диэн кассетаннан, батареяннан барар магнитофоннаах буолааччыбыт. Дьиэбитигэр нэдиэлэ5э биирдэ баран кэлээччибит, арыг дэриэбинэ5э, кулуупка киэьэ учугэй киинэ баар буолла5ына кере кэлэрбит, уонна тутатына туунун куьунну харана5а фонариктаах сатыы теннербут.Ол курдук улэбитигэр эппиэтинэстээх буолааччыбыт. То5о эрэ комсомольскай ытык иэспитин телуур курдук сананарбыт. Куьун буолан, фермалар дэриэбинэ5э кеьен кэлбиппит. Отделениялар, совхозтар икки ардыларыгар элбэх арааьынай,культурнай,спортивнай, комсомольскай курэхтэьиилэр тиьигин быспакка кехтеехтук буолаллара. Ол курдук кулууп улэьиттэрэ Иван Иванов, Егор Егоров, комсомол секретара Алексей Степанов араас тэрээьиннэри тэрийэллэрэ,дэлэ5э да5аны теье да сааьа ааспытын иьин кууспутунэн хас да сыл куоласпытын биэрбэккэ Алексей Степановы комсомолга улэлэтэ сылдьыахпыт дуо?! Бэйэтэ сааьырдым диэн « устунан», то5о эрэ харах уулаах куоластаааьын буолбута, ким да то5о эрэ кинини ууратыан ба5арбат этэ, ол арааьа комсомолларын санаатын табарыттан буолуо. Кини кэнниттэн Галина Васильева, Розалия Томская, Матрена Бочурова комсомол секретардарынан улэлээбиттэрэ, элбэх идеялаах,ол курдук ирдэбиллээх буолаллара. «Юбилейнай», «Бала5ат», фермалар икки ардыларыгар, ыччат – комсомольскай звенолар икки ардыларыгар элбэх курэхтэьиилэри тэрийэллэрэ. Хас звено аайы группкомсорг баара. Звенолар бары уголоктаах буоларбыт, комсомольскай взнос ый аайы хомуллан иһэрэ. Ол курдук «Сарыал – 83» наставнигынан Анна Львова, группкомсорунан Галина Степанова, «Чэчир – 83 » наставниктарынан Тамара Токоемова, Варвара Прокопьева, группкомсорунан Изабелла Иванова - ыччат суеьуну телеьутуугэ республика5а миэстэлэьэн «ИЖ Юпитер» мотоцикл фондатынан бириэмийэлэммиттэрэ, «Дьулуур» наставник Семен Седалищев, комсомолкалар Дора Васильева, Михаил Тимофеев, Маша Егорова, Мария Петрова ылыммыт юбилейнай вахта5а киирсэн, тунуй бургунастары ыан ортотунан 1 ынахтан – 1579 кг ууту ыан оройуонна III миэстэлэммиттэрэ, «Кэскил» ыччат – комсомольскай звено наставник Мавра Данилова групкомсорг Марианна Львова, комсомолкалар Виктория Григорьева, Дуня Корякина былааннаах сорудахтарын толорорго дьулуьаллара,1986 с. биир фуражнай ынахтан 1491 кг ыан, 1987 с. биир фуражнай ынахтан 1720 кг ыан оройуонтан элбэх грамотаны, суэьуннэн бириэмийэни туппуттара.. Киэьэтин куустээх улэ кэнниттэн сылайбыккын да умнан кулуупка репетиция5а, спортзалга кургуемунэн волейболлуу, баскетболлуу, буолар мероприятияларга кытта суурэрбит. Нэьилиэк общественнай оло5ор активнайдык кыттарбыт. Комсомольскай мунньахтар нэдиэлэ аайы буолаллара, ол быыьыгар политзанятиялар, агитзона субэ мунньахтара тиьигин быспаттара. Ол аайы ыччат - комсомол еруу иннинки буолара.Бу сыл сана кулууп улэ5э киирбитэ, кулуубка киириигэ ис улэтигэр , кырааска5а сууйууга улэбит кэнниттэн киэьэ кэлэн активнайдык кыттарбыт. Дьэ манна са5аламмыта арааьынай тэрээьиннэр, гастроллар. Гастрольнай биригээдэ5э хас да сыл ункууьутунэн : Васильева Дора, Степанова Галя, Иванова Иза, Еттянова Полина, Степанов Коля, Васильев Сергей, Прокопьев Володя, Васильев Олег, Егоров Аркадий сылдьыбыппыт. Боотулуу кулуубун хореограба Маргарита Семенова кэлэн ункуугэ уерэтэрэ, кини уерэппит ункуулэринэн совхоз чиэьин кемускуур фестивальга кыттыбыппыт. Беларусь прицебыгар тиэллэн Булуу оройуонугар Тылгыныннан, Куулэтинэн, Угулээтинэн курэхтэьэ, концертыы барарбыт. Кэлин бэйэбит олохтоох ункууьуппут Дария Павлова Кырыкыйтан кеьен кэлэн, ункуугэ эрчийэн, ункууьуттэрбит ессе элбээбиттэрэ, ол курдук сылын аайы оскуоланы бутэрбит ыччаттар эбиллэн иьэллэрэ, Марианна Львова, Дуня Корякина, Венера Григорьева,Мария Мигалкина,Света Иванова, Тима Федотов, Володя Прокопьев, Исай Григорьев, Виктор Михайлов сахалыы ункуулэринэн оройуон юбилейнай ыьыа5ын арыйыытыгар кыттар чиэскэ тиксибиттэрэ. Кулууп улэьитэ Иван Елисеевич суурэн – кетен Якутскайтан сана аппаратура а5албыта, онон вокальнай инструментальнай ансамбль тэриллибитэ, ВИА – ны уус – уран салайааччы Владимир Федотов, састаабыгар ударнайга Стасик Дяриков,бас гитара5а Володя Прокопьев , соло гитара5а Володя Алексеев,Петя Васильев, Исай Григорьев, Ганя Корякин оонньууллара, ырыаьыттарынан Володя Алексеев, Володя Прокопьев, Марина Алексеева буолаллара. Кинилэр ырыаларынан дискотекалар туун хойукка диэри буолаллара Совхоз иьинэн отделениялар икки ардыларыгар арааьынай спортивнай курэхтэьиилэр эмиэ буолаллара. Боотулуу нэьилиэгэр автобуьунан элбэхтэ таьылларбыт Элбэх эдэр спортсменнар ууммуттэрэ Петя , Михаил Васильевтар, Стасик Дяриков, Сидор Прокопьев, Ганя Корякин хайа да спортивнай курэхтэьииттэн туора турбаттара, уонна еруу инники миэстэ5э сылдьаллара.
Ол са5анаа5ы кулууп улэьиттэрэ, отделения салайааччылара чуолаан Егор Егорович Иванов, Спиридон Саввич Васильев, Матрена Николаевна Поскачина, Марина Петрова, Захар Евгеньевич Петров эдэр ыччаты кытта тэннэ улэлэьэллэр да эбит. Улэлиир дуогабарбыт бутэн бары уруе – тараа тар5аьан, сорох урдук, сорох орто анал уерэхтэри баьылаан, сорох ыал буолан тар5аспыппыт. Билигин ол кэмнэри керустэхпит аайы ахтан – санаан ааьабыт, эдэр эрчимнээх сааспыт кэмнэрин утуе ейдебул гынан ейбутугэр – сурэхпитигэр илдьэ сылдьабыт. Комсомол диэн эдэр саас уоттаах сулуьа, айар – тутар суолдьута этэ.
80 сыллардааҕы комсомолка Изабелла Иванова – Тимофеева