Гандаль Ірана з краінамі Шанхайскай арганізацыі супрацоўніцтва (ШАС) вырас амаль на траціну. Пра гэта паведаміў прадстаўнік мытнай службы Ісламскай Рэспублікі Іран Рухола Лаціфі.
"Кітай, Індыя, Афганістан, Пакістан і Расія былі першымі пяццю напрамкамі экспарту Ірана сярод членаў Шанхайскай арганізацыі супрацоўніцтва", — гаворыць іранскі чыноўнік. Таксама Ірану ўдалося падтрымліваць актыўны гандаль з такімі членамі ШАС як Беларусь, Узбекістан, Казахстан, Таджыкістан, Кыргызстан і Манголія. У выніку несыравінны гандаль Ірана з краінамі-ўдзельніцамі ШАС , а таксама краінамі-назіральніцамі ШАС за першыя пяць месяцаў 2022 года павялічыўся на 31% у параўнанні з леташнім паказчыкам і перавысіў $17 млрд.
Нагадаем, што Шанхайская арганізацыя супрацоўніцтва была ўтворана ў 2001 годзе Кітаем, Казахстанам, Кыргызстанам, Расіяй, Таджыкістанам і Узбекістанам. У 2017 годзе да яе далучыліся Індыя і Пакістан. Беларусь, Іран, Манголія і Афганістан маюць статус дзяржаў-назіральніц. Такім чынам, і Беларусь, і Іран з'яўляюцца назіральнікамі пры ШАС і маюць намер далучыцца да гэтай арганізацыі. Пры гэтым працэс далучэння Беларусі можа быць запушчаны ўжо на бліжэйшым Саміце ШАС, які пройдзе 15 і 16 верасня 2022 г. у Самаркандзе (Узбекістан).
Читайте нас в Вконтакте, Telegram и Instagram. Присоединяйтесь!
Наш Портал
NPR.BY