Астана тұрғыны Нұржан Өтепбергенов денсаулықтың қадірін басқа замандастарынан гөрі терең түсінеді. Ол төрт жыл бұрын бауыр церрозына шалдыққан. Дәрігерлер оған тек орган ауыстырса ғана аман қалатынын айтыпты. Уақыт болса тапшы, ал қажетті ағза табу қиынның қиыны. Басын тауға да, тасқа да соққан ол трансплантация жасатып барып бір ажалдан аман қалды.
«Біз бұл диагноздың емін көп жерден іздедік. Омбы қаласына бардық, астанада да бірнеше дәрігермен кездестік. Маған сол кезде тамырды байлау операциясы жасалды. Алайда екі айдан кейін ауру қайта күшейіп, емханаға түстім. Сосын гепатолог дәрігер Қаһарман Ізбасаровпен жолықтық. Ізбасаров маған бауыр ауыстыру емі ғана көмектесетінін айтты. Содан донор іздеу керек болды. Ол кісі бірінші бауырларымның арасында сәйкестік бар ма, сол бойынша тексеріс жүргізді. Бірақ олардың ағзасы сәйкес келмеді. Одан кейін туыстар тексерістен өтіп, сәйкестік болмағаннан кейін мені күту парағына тіркеп қойды. 2018 жылдың 3 тамызда операция болады деп дайындалып жатқанда Қостанайдан донор шықты. Дәрігерлер оның туыстарымен сөйлесіп, келісімін алды. Ол жаққа медицина мамандары саниавиациямен барады екен. Барар кезде менен анализ алды. Келесі күні операция жасалды. Оянғанымда жаңа өмір басталғандай күй кештім» – дейді, Нұржан Өтепбергенов.
Өкінішке қарай, елімізде донор тым тапшы. Елімізде жылына 1 млн адамға 1 ғана донор табылады. Трансплантолог мамандардың айтуынша, статистика көңіл көншітпей тұр.
«Қазіргі кезде Қазақстанда 3599 адам күту парағында кезекте тұр. Оның ішінде 3254-і бүйрек, 172 науқас бауыр, 153-і жүрек және 17 адам өкпе ауыстыруға мұқтаж. Тағы бір айта кететін жайт, 91 бала трансплантацияға зәру» – дейді, Транспланттауды және жоғары технологиялық медициналық қызметті үйлестіру жөніндегі республикалық орталық директоры Әділ Жұмағалиев.
Жалғасы біздің веб-сайтта сілтеме
#новости #bizkz #тренды #трендыbiz #новостиbiz