TREND - foydalanish qoidalari.
Marketingda trenddan foydalanishni juda yaxshi ko'raman. Bu bilan bog'liq yaxshi va yomon keyslarga egaman deyolaman.
Marketing tilida, ''situativka", "vaziyat marketing"idan foydalanishda judayam ehtiyot bo'lish kerakligi, uni holati va vaqti juda muhimligini doimo ta'kidlayman. Chunki noo'rin ''situativka" brendga foyda olib kelish o'rniga zarar olib kelishi ham mumkin.
"Asaxiy Books" tomonidan taqdim etilgan kitob o'qigan erkak ayolini urmaydi - ijtimoiy reklamasi - eng yomon "situativka"ga misol bo'la oladi.
Reklama qanchalik ijobiy ma'noda, ezgulik g'oyasi uchun qilingan bo'lmasin uni aynan bir ayol o'limi vaqtida taqdim etilishi eng katta xato edi. Bu narsa boshqa davlatlarda bo'lsa, brendning "baykot" qilinishi bilan tugashi mumkin edi.
Bizda ham e'tirozlar bildirildi, asosan o'qigan erkaklar ham xotinini urishi mumkinligi to'g'risida. Lekin vaziyat bir ayol o'limi bilan bog'liq holatda bu juda xunuk ish bo'ldi albatta. (Men kompaniyaning sodiq xodimi sifatida maqsad yomon bo'lmaganligiga qattiq ishonaman, albatta)
O'tgan yili Rossiyada ham maktabda otib ketilgan o'quvchilar voqeasi fonida bloger va raqqos DAVA ning ta'ziya bildirgan postini instagram targetiga yoqib reklama qilgani, juda ko'p xeytlarga sabab bo'lgandi. Buni ta'sirini CHBD ko'rsatuvini aynan DAVA bilan bo'lgan sonini ko'rganlar juda yaxshi tushunishadi.
Firuz aka, bu ijtimoiy reklama fevral oyida tayyorlanganligi, faqat mablag' bo'lmagani sabab bannerlar shahar bo'ylab osilmaganligini yozib izoh berdilar bu vaziyatga.
Bu posterning ijobiy tomonligi bir tomon bo'lsa, bir fojiaviy o'lim fonida kompaniya brendining "PR" yo'lida foydalanishi, yomon voqea bo'layotganda moddiyat haqida o'ylanayotganligi ikkinchi tomon bo'lib qoldi.
Bu maqola brend yoki ma'lum shaxslarga emas, shunchaki vaziyat marketingigga subyektiv munosabatim deb qabul qilishingizni so'rayman.
Unutmang, marketingda eng tez ish beruvchi instrumentlar bu -hissiyotlar, ular bilan siz brendingizni yuksaklikka olib chiqishingiz, yoki o'zingizga o'zingiz zarba berib qo'yishingiz mumkin.
