У 1386 г. Ягайла, у хрышчэнні Уладзіслаў, ажаніўся на каралеве Ядвізе і сам стаў польскім каралём. Безумоўна ён прыўнёс нейкія свае звычаі ў каралеўскі двор.
Датычна кулінарных улюбленасцяў каралеўскай пары вядома, што ні Уладзіслаў, ні Ядзвіга не былі вялікімі аматарамі мяса. Ядвіга любіла белы хлеб і вытанчаныя прысмакі, яны былі ў рахунках пакуль была жывая каралева. Кароль жа ненавідзеў нават пах яблыкаў і любіў салодкія грушы, часта еў варэнікі з сырам, якія любілі ў Літве і з радасцю ела яго світа. Як выглядалі варэнікі з сырам не вядома, але хутчэй за ўсе іх запякалі.
І кароль, і каралева вельмі любілі садавіну. У рахунках згадваюцца дыні, вінаград, абрыкосы, трускалкі, чарніцы і персікі. Згадваецца і шмат рыбы - варанай, смажанай, засоленай, асобна вэнджаны і вялены ласось і трэска.
Сённяшняя артыкул прысвечаны вегетарыянскай страве, якая з'явіліся пры каралеўскім двары верагодна з прыходам Ягайлы.
Інгрэдыенты: аліўкавы алей, цыбуля, перац, вараныя яйкі, смятана, лісце шчаўя або бурак (маладыя), соль, булён на мясе або гародніне, шчаўе.
Разагрэць алей на патэльні. Абсмажыць трохі здробненай цыбулі. 2 шклянкі нарэзанага шчаўя дадаць на патэльню да цыбулі. Абсмажанае шчаўе з цыбуляй дадаем у булён. Ставім варыць на павольны агонь хвілін на 10. Ачысціць вараныя яйкі (хапае 2 шт.), у асобны посуд дадаем 2-3 чарпака баршчу. Туды ж выліваем палову шклянкі густой смятаны і добра размешваем. Выліваем гэта ў рондаль з баршчом. Яйкі нарэзаць на чвэрці і выкласць на дно глыбокай талеркі. Дадаем боршч, пасаліць і дадаць перцу. Упрыгожваем лісцікамі шчаўя ці бурака. Боршч гатовы)