Чапшар авылы артистлары басу-кырларда көнне-төнгә ялгап эшләүче игенче-механизаторларга ял минутлары бүләк итте.
Нәзирә апа Фәйзрахманова, Фәргать Гаязов, Назилә Гаязова, Гөлшат Гаязова, Айсылу Вәлиевалар чыгышын игенчеләр көле алкышларга күмде.
"Чапшар авыл клубыннан Нәзирә апа белэн Фәргать абыйның "Буразналар", "Чайкала иген кырлары" җырлары, кызларымның "Барыня-сударыня", "Бие әйдә, ике бас" дәртле биюләре, Кили мәдәният йорты белән Нормабаш авыл клубыннан Рузилә Шамкаеваның җырлавы аларга эшләргэ әз генә булса да көч биргәндер дип уйлыйбыз. Игенчеләр үзләре сау-сәламәт булып, илләребез тыныч булып, техникалары ватылмыйча игеннәрне вакытында, югалтуларсыз җыеп алырга язсын", дип хәбәр итәЧапшар авылы клубы мөдире Гүзәлия Вәлиева.
