⚡️TOSHPTI TALABALARI STARTAPI RESPUBLIKA TANLOVIDA G'OLIB BO'LDI VA $20 000 PUL MUKOFOTIGA EGA BO'LDI
Mukofot jamg‘armasi 100,000 AQSH dollarini tashkil etuvchi mGovAward-2021 davlat mobil ilovalarini ishlab chiqish bo‘yicha respublika tanlovining ikkinchi to‘lqini o'z yakuniga yetdi.
Tanlov natijasida Astrum IT-akademiyasida mGovAward tanlovi g‘oliblarini taqdirlash marosimi va IT Park mukofotlarini topshirish marosimi bo'lib o'tdi.
Tanlov hakamlar hayʼati qarori bilan Toshkent pdiatriya tibbiyot instituti talabalarining Lalu.uz loyihasi (sogʻliqni saqlash) gʻolib deb topildi va 3-o'rinni qo'lga kiritdi.
Lalu.uz onalar maktabi - homilador ayollar va yosh onalar uchun ilova. Bu homiladorlik va bola parvarishi, shuningdek, ona va bolaning sogligini monitoring qilish togrisida ishonchli ma'lumot almashish tizimi.
mGovAward tanlovi g‘oliblariga AKT Vaziri Sherzod Shermatov va BAA Davlat xizmatlari sektori rahbari Mohammed Bin Taliah mukofotlarni topshirdilar.
mGovAward-2021 keng ko‘lamli respublika tanlovi bo‘lib, unda ishtirokchilar quyidagi 8 ta yo‘nalishdan biri bo‘yicha mobil ilova ishlab chiqishi bo'yicha minglab O‘zbekiston oliy o‘quv yurtlari talabalari, shuningdek, umumta’lim va o‘rta maxsus maktab o‘quvchilari o'zaro bellashdilar.
Tanlov tashkilotchilari sifatida IT Park, O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, BAA hukumati, shuningdek, O‘zbekiston Respublikasi Investitsiyalar va tashqi savdo vazirligi bo'ldilar.
@daminovbotirturgunpulatovich
@tashpmi_press
