Подóбно бо éсть цáрствiе небéсное человѣ́ку домови́ту, и́же изы́де кýпно ýтро ная́ти дѣ́латели въ виногрáдъ свóй, и совѣщáвъ съ дѣ́латели по

Подóбно бо éсть цáрствiе небéсное человѣ́ку домови́ту, и́же изы́де кýпно ýтро ная́ти дѣ́латели въ виногрáдъ свóй, и совѣщáвъ съ дѣ́латели по пѣ́нязю на дéнь, послá и́хъ въ виногрáдъ свóй. И изшéдъ въ трéтiй чáсъ, ви́дѣ и́ны стоя́щя на тóржищи прáздны, и тѣ́мъ речé: иди́те и вы́ въ виногрáдъ мóй, и éже бýдетъ прáвда, дáмъ вáмъ. Они́ же идóша. Пáки же изшéдъ въ шесты́й и девя́тый чáсъ, сотвори́ тáкоже. Во единыйженáдесять чáсъ изшéдъ, обрѣ́те другíя стоя́щя прáздны и глагóла и́мъ: чтó здѣ́ стоитé вéсь дéнь прáздни? Глагóлаша емý: я́ко никтóже нáсъ ная́тъ. Глагóла и́мъ: иди́те и вы́ въ виногрáдъ мóй, и éже бýдетъ прáведно, прiи́мете. Вéчеру же бы́вшу, глагóла господи́нъ виногрáда къ пристáвнику своемý: призови́ дѣ́латели и дáждь и́мъ мздý, начéнъ от послѣ́днихъ до пéрвыхъ. И пришéдше и́же во единыйнáдесять чáсъ, прiя́ша по пѣ́нязю. Пришéдше же пéрвiи мня́ху, я́ко вя́щше прiи́мутъ: и прiя́ша и тíи по пѣ́нязю: прiéмше же роптáху на господи́на, глагóлюще, я́ко сíи послѣ́днiи еди́нъ чáсъ сотвори́ша, и рáвныхъ нáмъ сотвори́лъ и́хъ еси́, понéсшымъ тяготý днé и вáръ. О́нъ же отвѣщáвъ речé еди́ному и́хъ: дрýже, не оби́жу тебé: не по пѣ́нязю ли совѣщáлъ еси́ со мнóю? возми́ твоé и иди́: хощý же и семý послѣ́днему дáти, я́коже и тебѣ́: или́ нѣ́сть ми́ лѣ́ть сотвори́ти, éже хощý, во свои́хъ ми́? áще óко твоé лукáво éсть, я́ко áзъ блáгъ éсмь? Тáко бýдутъ послѣ́днiи пéрви, и пéрвiи послѣ́дни: мнóзи бо сýть звáни, мáло же избрáнныхъ.

Евангелие от Матфея:

https://days.pravoslavie.ru/bible/z_mf_20_1_16.html