Samarqand davlat tibbiyot universitetiga Yaponiyaning JICA xalqaro hamkorlik agentligining Markaziy Osiyo va Kavkaz davlatlari boʻyicha direktori Horiwaki Yumika boshchiligidagi delegatsiyani tashrifi amalga oshirildi. Yaponiya xalqaro hamkorlik agentligi (JICA) oʻz faoliyatida tibbiy xizmatlarni rivojlantirish va sifatni nazorat qilish bilan shugʻullanadi.
Delegatsiya aʼzolari bilan SamDTU rektori J.A.Rizayevni uchrashuvi oʻtkazildi. Iliq oʻtgan muloqot davomida ikki tomon hamkorligi doirasida bir qator kelishuvlar amalga oshirildi. Jumladan, JICA tomonidan 80 ga yaqin yangi, zamonaviy tibbiy uskunalar olib kelish, Yaponiyaning yetakchi mutaxassislari bilan hamkorlik oʻrnatish hamda tajriba almashishga kelishib olindi. Shuningdek, delegatsiya vakillari universitetda yaratilgan shart-sharoitlar bilan tanishib chiqish barobarida SamDTUning qariyb bir asrlik tarixini oʻzida mujassam etgan muzeyi bilan ham yaqindan tanishib chiqdilar.
Samarqand davlat tibbiyot universitetini JICA tashkiloti bilan oʻzaro hamkorlikda olib borayotgan ishlari kelajakda mintaqamiz va butun respublika aholisi uchun zamonaviy va yanada sifatli tibbiy xizmatlarni koʻrsatishga zamin yaratadi.
SamDTU matbuot xizmati