ԱՄՆ կոնգրեսական Ֆրենկ Փալոնեն հայտարարել է, որ կշարունակի աշխատել Թուրքիային ամերիկյան F-16 կործանիչների վաճառքի արգելափակման ուղղությամբ: «Ես կտրականապես դեմ եմ Թուրքիային F-16 կործանիչներ վաճառելու վարչակազմի որոշմանը։ Մենք չպետք է խրախուսենք Էրդողանի կողմից Մարդու իրավունքների խախտումները և ՆԱՏՕ-ի դաշինքին նրա ոչ լոյալ լինելը», – գրել է Փալոնեն։
Կոնգրեսականն ընդգծել է, որ կշարունակի աշխատել իր գործընկերների հետ, որպեսզի «արգելափակի այդ վտանգավոր առաջարկը և պատասխանատվության ենթարկի Թուրքիային»: Ավելի վաղ հայտնի էր դարձել, որ Բայդենի վարչակազմը Կոնգրեսից պաշտոնապես հավանություն է խնդրել Թուրքիային 40 F-16 կործանիչների և 80 կոմպլեկտների վաճառքի համար՝ այդ տիպի արդեն սպառազինության մեջ գտնվող ինքնաթիռների արդիականացման համար:
ԱՄՆ-ի յոթ առաջատար իրավապաշտպան կազմակերպություններ, այդ թվում՝ Ամերիկայի Հայ դատի հանձնախումբը (ANCA), պաշտոնապես դիմել են Սենատի և Ներկայացուցիչների պալատի կոմիտեների ղեկավարներին՝ ԱՄՆ վարչակազմի նշված հարցումը մերժելու խնդրանքով:
Լրացուցիչ տեղեկությունների համար այցելեք կայք