Астравец гэта невялікі горад у Гродзенскай вобласці. Мабыць, многія і няведалі яго пакуль тут не распачалося вялікае будаўніцтва атамнай электрастанцыі. Таму да гэтага час верагодна вялікая колькасць людзей пабывала ў гэтым месцы. І калі яны прыязджалі ў горад, то ў самым цэнтры, адразу за плошчай, яны сустракалі прыгожы будынак Касцёла Святых Космы і Дам'яна.
Але вернемся да гісторыі гэтага месца. Усяго ў Астраўцы дзве парафіі і, вядома, два Касцёла. Храм аб якім сённяшні допіс самы стары і мае вельмі багатую гісторыю. Так, напрыклад, датай заснавання Астраўца лічыцца 1468 год, чаму? Бо гэтай датычацца першыя гістарычныя звесткі аб горадзе. Паводле звестак, менавіта ў гэты год уладар Геранёнаў Юры Гаштольд адпісаў астравецкаму Касцёлу Панны Марыі і ўсіх Святых дзве меры мёду. Такім чынам, ужо на афіцыйную дату заснавання горада 1468 год храм на гэтым месцы ўжо існаваў.
Нажаль вядома ня шмат, толькі тое, што святыня была пабудаваная з дрэва і ў такім стане праіснавала да XVII стагоддзя. У гэты час уладальнікі Астраўца Ян Корсак і яго жонка Алёна з Гнаінскіх вырашылі пабудаваць на месцы былога драўляннага Касцёла новы храм.
Ян Мікалай Корсак у той займаў пасаду скарбавага пісара вялікага літоўскага, меў вялікія землі і таму фундуш на будаўніцтва новай святыні атрымаўся добры.
Будаўніцтва новага мураванага Касцёла пачалося ў 1616 годзе і вялося два гады па 1618 год. Але, на жаль новы храм не прасяў доўгі час, бо прыкладна ў сярэдзіне XVII стагоддзя быў разбураны.
Мінуў яшчэ час і ў 1785 годзе пачалося будаўніцтва новага храма, на гэты раз з цэглы. Менавіта будынак 1785 года зараз і можна ўбачыць у Астраўцы і на сучасных здымках у маім допісы.
Будаўніцтва вялі манахі-дамініканцы і праз некалькі год у 1787 годзе Касцёл быў пабудаваны, а разам з ім і кляштар дамініканцаў. Архітэктарам новага будынку быў вядомы віленскі архітэктар Аўгуст Касакоўскі.
Вядома, што ў канцы XVIII стагоддзя Астравец апынуўся ў складзе Расейскай Імперыі. У час Расейскай Імперыі на тэрыторыі былога Вялікага Княства Літоўскага раз за разам узнікалі паўстання. Так, пасля паўстання Кастуся Каліноўскага ўлады вырашылі зачыніць вялікую колькасць каталіцкіх Касцёлаў і храм у Астраўцы быў аднім з іх. У 1866 годзе храм і парафію зачынілі, а будынак святыні перадалі праваслаўнай царкве. Цікава, але хадзіць у царкву не было каму, бо ў той час у Астраўцы жыў усяго адзін праваслаўны жыхар - майстра па рамонце гадзіннікаў Рыткодзін.
Праваслаўная царква праіснавала там амаль да самага канца Расейскай Імперыі, пасля якога Астравец апынуўся ў складзе міжваенай Польшчы, тады будынак храма зноў вярнулі каталіцкім вернікам.
Далей яго ўжо больш не закрывалі і не перараблялі, нават у часы савецкай улады, якая, мякка кажучы, не вельмі ставілася да такога віду будынкаў. У такая вось багатая гісторыя ля гэтага будынка ў цэнтры невялікага раённага гарадка ў Гродзенскай вобласці Беларусі
Дзякуй Вам, што даглядзелі і дачыталі гэты допіс. Калі Вам падабаўся допіс, калі ласка, падпісывайцеся на мой канал, будзе яшчэ шмат чаго цікавага і таксама не забывайцеся паставіць лайк да гэтага допіса.