ADIBLAR XIYOBONI - MA’NAVIYAT MASKANI
2022 yil 31 may kuni TPTI Tibbiy-pedagogika va davolash fakulteti jamoasi, O‘zbek tili va adabiyoti, Umumiy xirurgiya va OXTA, Teri va tanosil, bolalar teri va tanosil kasalliklari kafedralarining professor-o‘qituvchilari tomonidan reja-jadvalga binoan, “Adiblar xiyoboni”da qoraqalpoq xalq shoiri, buyuk adib “Berdaq” hayoti va ijodini yoshlarga yetkazish maqsadida «Adiblar xiyoboni - ma’naviyat maskani» shiori ostida ma’naviy-ma’rifiy tadbir tashkil etildi.
Tadbirda Umumiy xirurgiya, OXTA kafedrasi professori Sh.Axmedov, O‘zbek tili va adabiyoti kafedrasi dotsenti G.Kuranbaeva, katta o‘qituvchi M.Hamrakulovalar so‘zga chiqib, bu qutlug‘ maskanning ijtimoiy-ma’naviy hayotimizdagi o‘rni va ahamiyati, yoshlarimiz qalbiga adabiyotni, u orqali, ma’naviyat, ma’rifat va madaniyatni olib kiradigan tabarruk dargoh ekanligi, milliy adabiyotimiz va madaniyatimiz ravnaqiga ulkan hissa qo‘shgan ulug‘ adiblarimizning muhtasham haykallari qad rostlagan, har bir qadamida ularning donishmand nigohi, beg‘ubor nafaslari sezilib turadigan bu mo‘tabar maskanga «Adiblar xiyoboni» deb nom berilganining o‘zi juda chuqur hayotiy, ilmiy-falsafiy asoslarga, ma’no-mazmunga ega ekanligi haqida ma’lumotlar berib, qoraqalpoq xalq shoiri, buyuk adib «Berdaq» ijodida yoshlar tarbiyasi, adolatni qaror toptirish, muhim o‘rin egallaganligi haqidagi fikrlari yetkazildi.
«Berdaq» nomidagi maxsus stipendiya va ko‘krak nishoni sovrindorlari bo‘lgan talabalar tomonidan Berdaq ijodiga bag‘ishlangan sahna ko‘rinishlari namoyish etildi.
@daminovbotirturgunpulatovich
@tashpmi_press
