ТИББИЁТ ОЛИЙ ТАЪЛИМ МУАССАСАЛАРИ БИТИРУВЧИЛАРИ БИЛАН УЧРАШУВ ЎТКАЗИЛДИ
2022 йил 30 май куни Тошкент педиатрия тиббиёт институтида Тошкент вилояти хокимлиги, вилоят соғлиқни сақлаш бошқармаси ва иш берувчи раҳбар ходимлар Тошкент педиатрия тиббиёт институтини тамомлаётган битирувчи талаба-ёшларни доимий яшаш жойларига ишга таклиф қилиш мақсадида тадбир ўтказилди.
Тадбирда Тошкент вилоят соғлиқни сақлаш бошқармаси бошлиғи Арзикулов Тўрақул Содиқович сўзга чиқиб, вилоятда тиббиёт муассасаларида яратилган шарт-шароитлар тўғрисида гапириб ўтди. Бундан ташқари туман тиббиёт бирлашмаси бошлиқлари ҳам сўзга чиқиб, тиббиёт соҳасида амалга оширилаётган ўзгаришлар ва ёш кадрларга бўлган талаб ҳамда ёш битирувчилар учун яратилаётган имтиёзлар ҳақида сўзладилар.
Шунингдек, тадбирда ССБ бошлиғи ва туман рахбарлари талабаларни қизиқтирган барча саволларга жавоб бердилар.
Тадбирда туман тиббиёт бирлашмаси рахбарлари доимий яшаш манзили бўйича хар бир талаба билан бирма-бир алоҳида суҳбат ўтказдилар.
Ўзбекистон Республикаси Вазирлар Маҳкамасининг 2021 йил 25 ноябрдаги “Андижон давлат тиббиёт институти ва унинг клиникаси фаолиятини тубдан такомиллаштириш чора-тадбирлари тўғрисида”ги №713-сон Қарорининг 4 банди 2022/2023 ўқув йилидан бошлаб барча тиббиёт олий таълим муассасаларининг “Даволаш иши” ва “Педиатрия иши” таълим йўналишлари битирувчи курс талабалари учун ўқув йилининг биринчи семестри (5 ой) давомида доимий яшаш жойлардаги тиббиёт муассаларида амалиёт ўташини, режадаги маъруза ва ўқув машғулотларининг назарий қисмини масофавий шаклда олиб борилиши жорий қилиш белгиланган.
Ушбу тартибга мувофик, Тошкент педиатрия тиббиёт институтининг “Даволаш иши” ва “Педиатрия иши” таълим йўналишларида тахсил олаётган 5 боскич талабаларнинг 52 нафари Тошкент вилоятида доимий яшаши ва тегишлилигича доимий яшаш худудларига амалиёт ўташ учун бирламчи тиббий муассасига юборилиши таъкидланди.
Учрашувда Тошкент вилоят хокимлиги, Согликни саклаш бошкармаси, туман тиббиёт бирлашмалари, тиббиёт муассасалари рахбарлари ва кадрлар бўйича масъуллар иштирок этдилар.
@daminovbotirturgunpulatovich
@tashpmi_press
