TOSHPTI TALABALARI MORFOLOGIYA FANIDAN XALQARO OLIMPIDADA G‘OLIB BO‘LDI
2022 yil 18-19 may kunlari Bishkekda Rossiya Federatsiyasining birinchi Prezidenti B. N. Yeltsin nomidagi Qirg'iziston-Rosiya slavyan universitetida "chegarasiz tibbiyot" morfologiyasi bo'yicha xalqaro talabalar olimpiadasi bo'lib o'tdi.
Olimpiadada Rossiya, O'zbekiston, Qozog'iston va Qirg'iziston oliy o'quv yurtlaridan 7 jamoa ishtirok etdi. Toshkent pediatriya tibbiyot instituti nomidan Anatomiya, patologik anatomiya kafedrasi mudiri X.A.Rasulov rahbarligidagi quyidagi tarkibdagi "SC TashPMI" jamoasi qatnashdi:
1. G'oziyev Nodirbek, 1-Pediatriya va xalq tabobati fakulteti, 419-1P-guruhi;
2. Abdurahmonov Sultonmurod, 1-Pediatriya va xalq tabobati fakulteti, 419-1P-guruhi;
3. Shayusupov Jasur, 2-Pediatriya va tibbiy-biologiya fakulteti, 218-2P-guruhi;
4. Abdusalimov Bobir, 2-Pediatriya va tibbiy-biologiya fakulteti, 218-2P-guruhi;
5. Larin Evgeniy, 1-Pediatriya va xalq tabobati fakulteti, 218-2P-guruhi;
6. Dzivinskaya Yuliya, Tibbiy-pedakogika va davolash fakulteti, 211-DI-guruhi.
Olimpiada ham ikki bosqichda o'tkazildi. Birinchi bosqichda talabalarimiz taqdimot tanlovida 1-o'rinni egalladi. Ikkinchi bosqichning nazariy va amaliy tanlovlari yakunlariga ko'ra," SC TashPMI " jamoasi faxrli 2-o'rinni egalladi.
Huddi shu jamoa 2022 yil 21 may kuni Bishkekda I. K. Oxunboyev nomidagi Qirg'iziston davlat tibbiyot akademiyasida bo'lib o'tgan normal va topografik anatomiya fanlari bo'yicha xalqaro talabalar olimpiadasida ishtirok etdi.
Unda O'zbekiston, Qozog'iston va Qirg'izistonning 9 ta oliy o'quv yurtidan 13 ta jamoa ishtirok etdi. Olimpiada ham ikki bosqichda o'tkazildi. Birinchi bosqichda talabalarimiz vizitka tanlovida birinchi o'rinni egalladi. Ikkinchi bosqichning nazariy va amaliy tanlovlari yakunlariga ko'ra," SC TashPMI " jamoasi faxrli ikkinchi o'rinni egalladi.
Talabalar jamoasini "Anatomiya" fani bo'yicha Rasulov X. A., "Gistologiya" fani bo'yicha N.B. Zokirova, "Topografik anatomiya" fanidan M. Yu.Akramovalar tayyorlash jarayonlarini olib borishdi.
Institut rahbariyati va jamoasi talabalar va ularni tyyorlagan ustozlarni tabriklaydi va kelgusi faoliyatida katta muvaffaqiyatlar tilaydi.
@daminovbotirturgunpulatovich
@tashpmi_press
