TOSHPTIDA “INNOWOMENWEEK” – IXTIROCHI XOTIN-QIZLARNING INNOVATSION HAFTALIGI O‘TKAZILMOQDA
Oila va xotin qizlar davlat qo‘mitasi, Axborot texnologiyalari va kommunikatsiyalarini rivojlantirish vazirligi, Oliy va o‘rta maxsus ta’lim vazirligi, Innovatsion rivojlanish vazirligi hamda poytaxtimizdagi oliy o‘quv yurtlari hamkorligida “INNOWOMENWEEK” – ixtirochi xotin-qizlarning innovatsion haftaligi tashkil etildi.
Tadbirda Oila va xotin- qizlar davlat qo‘mitasi Xotin qizlar o‘rtasida ilm- fan innovatsiyalarni rivojlantirish bo‘limi boshlig‘i, O‘zbekiston Ixtirochi ayollar markazi rahbari t.f.d., professor Karima Tuxtabayevna Norkulova, Toshkent shahar hokimi o‘rinbosari - Oila va xotin-qizlar boshqarmasi boshlig‘i Nodira Nigmatullaevna Umarovalar, institutning ayol professor-o’qituvchilari, yosh olimalari, talaba-yoshlar hamda faol xotin-qizlari ishtirok etdilar.
Haftalikdan ko‘zlangan maqsad mamlakatimiz xotin-qizlarining innovatsion g‘oyalari, loyiha va ishlanmalarini har tomonlama qo‘llab-quvvatlash, tadbirkorlik va ixtirochilik faoliyatiga keng jalb qilish, intellektual mulk ob’ektlarini huquqiy muhofaza qilishlariga ko‘maklashish, iqtisodiyotning turli tarmoqlarida mehnat qilayotgan xotin-qizlarning faoliyatlariga innovatsion yondashuvni joriy qilishdan iboratdir.
Haftalik doirasida 2022 yil 20 may kinu Toshkent pediatriya tibbiyot institutida “MEDICALWOMENUZ” forumi o‘tkazildi. Forumda olima va shifokor ayollar tomonidan amalga oshirilayotgan innovatsion loyihalar natijalari keng muhokama qilindi.
Shuningdek, shifokor hamda olima xotin-qizlarni salmog‘ini va ilmiy salohiyatini oshirish, ularni tibbiyot va ilm-fan sohalariga keng jalb qilish masalalari yuzasidan davra suxbati o‘tkazildi. Haftalik ishtirokchilari uchun intellektual mulk mahsulotlarini himoya qilish va fandagi yutuqlarni tijoratlashtirish xalqaro va respublika tanlovlarida ishtirok etish uchun loyihalarni tayyorlash bo‘yicha o‘quv-seminar o‘tkazildi.
“MEDICALWOMENUZ” forumi hamda o‘quv-seminarda faol ishtirok egan olima va dasturchi ayollar sertifikat va sovg‘alar bilan taqdirlandi.
@daminovbotirturgunpulatovich
@tashpmi_press
