Передана святителю Афанасию (Сахарову), епископу Ковровскому, священномучеником Кириллом (Смирновым), митрополитом Казанским и Свияжским:
«В руце превеликаго милосердия Твоего, о Боже мой, вручаю душу и тело мое, чувства и глаголы моя, совесть и помышления моя, дела моя и все тела и души моей употребления, вход и исход мой, веру и жительство мое, течение и кончину живота моего, день и час издыхания моего, преставление мое и упокоение, воскресение души моей и тела. Ты же, о Премилосерде Боже и всего мира непреодолеваемая Благость, незлобиве Господи, мене паче всех человек грешнейшаго прими в руце защищения Твоего и избави мя от всякаго зла. Очисти многое множество беззаконий моих и от грядущих грехопадений лютых всегда восхищай мя, да ни в коем гресе, когда прогневаю человеколюбие Твое; имже покрывай немощь мою от бесов, страстей и злых человек; врагом видимым и невидимым запрети, руководствуя мя спасительным путем, доведи к Тебе, пристанищу и желаний наших краю. Даруй мне кончину христианскую, непостыдну, мирну, от воздушных духов злобы соблюди, на Страшнем Твоем Суде милостив рабу Твоему (ли рабе Твоей) [имя] буди и причти мя одесную благословенным Твоим овцам, да с ними Тебе, Творца моего, славлю во веки веков. Аминь».