«Դիմադրություն» շարժումը վաղը՝ առավոտյան ժամը 08։00-ից, ողջ մայրաքաղաքում սկսում ենք անհնազանդության խաղաղ ակցիաները»։
Այս մասին Facebook-յան ուղիղ եթերի ժամանակ հայտարարել է «Դիմադրության» շարժման առաջնորդներից Իշխան Սաղաթելյանը՝ տեղեկացնելով, որ փակելու են ճանապարհներ և պարալիզացնելու են ողջ քաղաքը։
Իշխան Սաղաթելյանը կոչ արեց հանրային ծառողներին, ուսանողներին, որ իրենց գործատուներին, դասախոսներին տեղեկացնեն, որ վաղ չեն գնալու աշխատանքի, դասի և միանան ընդդիմության բողոքի ակցիաներին։
«Նիկոլ Փաշինյանի հեռացման հանրային պահանջը ձևակերպված է, դա այլևս ակնհայտ փաստ է։ Մենք այս ակցիաների, գործողությունների միջոցով այդ հանրային պահանջը պետք է ամենօրյա ռեժիմով փաստենք, ցույց տանք, որ ինքն այլևս երկրում իշխանություն չունի, երկրում իշխանությունը պատկանում է ժողովրդին, կա իրական երկիշխանություն ու օր առաջ պետք է հեռացնել այս չարիքի կառավարությանը, որոնց վաղուց այլևս չեն սպասարկում Հայաստանի, Արցախի և առհասարակ մեր ժողովրդի շահերը»,– նշեց նա։
Լրացուցիչ տեղեկությունների համար այցելեք կայք