Նիկո՛լ, կա՛մ դու արագ, անցնցում հրաժարական ես տալիս, կա՛մ մենք «երկիրը կանգանցնում» ենք։ Այս մասին այսօր՝ Ֆրանսիայի հրապարակում տեղի ունեցած եզրափակիչ հանրահավաքի ժամանակ հայտարարեց «Դիմադրության» շարժման առաջնորդներից Իշխան Սաղաթելյանը։ «Պետական կառավարման համակարգը պետք է կանգնեցնենք։ Պետք է ապացուցենք, որ իշխանությունը փողոցում է։
Աթոռներին նստածներն այլևս ի վիճակի չեն որևէ բան որոշելու»,-հայտարարեց նա։ Սաղաթելյանը հայտնեց, որ վաղվանից պետք է ավելի ակտիվ ակցիաներ իրականացնել։
«Վաղը ժամը 12։00-ից 4 ուղղություններով սկսում ենք անհնազանդության ակցիաները՝ արգելափակվելու են ճանապարհները։ Վաղը ամբողջ քաղաքն այդ կետերից պարալիզացնում ենք։ Մինչ այդ՝ առավոտյան տեղի կունենան տարբեր անհնազանդության ակցիաներ։ Ժամը 19։00-ին հավաքվում ենք Ֆրանսիայի հրապարակում՝ մեր աշխատանքներն ամփոփելու համար»,-հայտնեց նա։
Լրացուցիչ տեղեկությունների համար այցելեք կայք