Пщэдджыжьым Хъуэжэ и фызыр жэм къишыну щ|эк|ати, къыщ|элъэдэжащ, же|э, Хъуэжэ хэлъу. Къыщ|элъэдэжри:
-Кхъы|э, Аллыхьым и хьэтырк|э, къэтэдж, ди гъунэгъур зэроук|! - жи|ащ жи.
-Уэлэхьи, сыкъэмытэджыну!
-Къэтэдж |ей, мэгъуэгхьэ, Аллыхьым укъигъэщ|ам! - жери щызырихуэм, пц|ану |эдялыр зэришэк|ри, Хъуэжэр к|уащ.
Хъуэжэ щык|уэм щыгъуэ мо зэрыхь-зэрий къомым яхэлъадэщ Хъуэжэи, еуэщ аби, и |эдялыжьыр тыралъэфащ мо зэрыхь-зэрийм. Тыралъэфщ аби, Хъуэжэ зэплъыжри, къыщ|эпхъуэжащ. Къыщ|эпхъуэжщ аби:
-Сыт мыгъуэт зыпаубыдар, сыт щхьэ|э зэрыук|а а къомыр ?
и фызым ар щыжи|эм щыгъуэ:
-Уэлэхьи, абы зыпаубыда щымы|эт, си |эдялыжь закъуэрат щ|ызэзауэри, я|эрыхьэри бэяужащ, - жи|ащ жи!
- Мы адыгэ хъыбарым теухуау, зы псалъэ зы т|у къык|ыщ|эфтхэ!
- Дау къыфщыхъуа абы я |охур?
- Фи махуэ ф|ыуэ!