TANIQLI PLASTIK JARROH NODIR IBATOVNING TALABALAR BILAN UCHRASHUVI VA MAHORAT DARSI O’TKAZILDI
Bugungi kunda mamlakatimizda yoshlar bilan ishlash va ularni har tomonlama qo‘llab-quvvatlashga davlat siyosati darajasida qaralmoqda. Mamlakat kelajagi, barcha sohalar va loyihalar muvaffaqiyati bilimli, zamonaviy fikrlaydigan, o‘z sohasining ustalari bo‘lgan insonlarga bog‘liq. Qolaversa O‘zbekiton - yoshlar mamlakati. Shu bois, yoshlar ta’lim-tarbiyasi va kamolotiga alohida e’tibor qaratilmoqda.
Prezidentimiz doimo yig‘ilishlarda hamda viloyatlarga tashriflarida barcha sohalarga ayniqsa, yoshlar muammolari hamda ularning bo‘sh vaqtini mazmunli tashkil etish bo‘yicha o‘z nutqlarida to‘xtalib o‘tadilar.
Shuningdek, davlatimiz rahbari tomonidan yoshlar bilan manzilli va tizimli ishlash bo‘yicha dolzarb vazifalar belgilanib berilgan. Ushbu vazifalar ijrosini ta’minlash, yoshlarning bo‘sh vaqtini mazmunli tashkil etish, qobiliyatini yuzaga chiqarishi uchun zarur sharoitlar yaratish hamda yoshlarga shaxsiy naumna ko‘rsatish maqsadida 2022 yil 11 may kuni Toshkent pediatriya tibbiyot institutida “Talabalar bahori - 2022" festivali hamda “Xotin-qizlar haftaligi” doirasida O’zbekiston plastik, estetik va rekonstruktiv jarrohlar assotsiyasi, Evropa rinoplastlar assotsiyasi a’zosi, taniqli plastik jarroh Nodir Ibatovning talabalar bilan uchrashuvi va mahorat darsi tashkil etildi.
Mazkur tadbirda institut rahbariyati, professor-o‘qituvchilari va xodimlari hamda 300 dan ziyod talaba-yoshlar ishtirok etdilar.
Uchrashuvda Nodir Ibatov mamlakatimizda yoshlarni kamol topishi va yuqori malakali hamda raqobatbardosh kadrlar bo‘lib yetishishlari uchun yaratilgan sharoitlar haqida so‘zlab berdi, shu tariqa o‘zining plastik jarrohlik yo‘nalishidagi tajribasi, bosib o‘tgan yo‘li va sirlari bilan o‘rtoqlashdi.
Shuningdek, uchrashuv davomida plastik jarrohlik bo‘yicha mahorat darsini o‘tib berdi. Mutaxassis o‘tkazgan plastik jarrohlik amaliyoti aks etgan video taqdimotni talabalar e’tiboriga havola qildi. Mazkur yo‘nalishidagi yangiliklar xususida atroflicha ma’lumotlar berildi. Shuningdek, talabalik yillari, bugungi darajaga yetish uchun bosib o‘tgan yo‘llari, tibbiyot sohasida erishgan yutuqlari hamda muvaffaqiyat sirlari haqida ham gapirib berdi. Tadbir davomida mutaxassis yig‘ilganlarni qiziqtirgan barcha savollarga javob berdi.
Ko‘tarinki ruhda o‘tgan tadbir talabalarning darsdan bo‘sh vaqtlarini mazmunli o‘tkazish, ularning kasbiy mahoratini oshirish va amaliy ko‘nikmalarini mustahkamlash, o‘z kasbiga bo‘lgan ishtiyok va qiziqishlarini yuksaltirish, shuningdek yurtimizda yoshlar uchun yaratilgan sharoitlardan xabardor bo‘lishga xizmat qiladi.
@daminovbotirturgunpulatovich
@tashpmi_press
