TANIQLI AKTRISA DILNOZA KUBAYEVA BILAN UCHRASHUV TASHKIL ETILDI
2022 yil 10 may kuni Toshkent pediatriya tibbiyot institutida Toshkent pediatriya tibbiyot institutida “Talabalar bahori - 2022" festivali hamda “Xotin-qizlar haftaligi” doirasida “Shuhrat” medali hamda “O‘zbekiston belgisi” ko‘krak nishoni egasi, O‘zbek Milliy akademik drama teatri artisti, ko‘plab kinofilmlardagi rollar bilan tanilgan sevimli kinoaktirisa Dilnoza Kubayeva bilan talabalarning uchrashuvi tashkil etilidi.
Mehmon uchun eng avvalo institutda yoshlar uchun yaratilgan shart-sharoitlar hamda bu yerda ta’lim olayotgan talabalar hayoti bilan yaqindan tanishish maqsadida ekskursiya uyushtirildi. Kubaeva zamonaviy texnologiyalar bilan jihozlangan auditoriyalar, tajribalar o‘tkazish uchun mo‘ljallangan kimyo, biologiya hamda kompyuter laboratoriyalari, kutubxona hamda institut muzeyi bilan tanishdi. Shundan so‘ng talabalar bilan “Biz buyuk yurt farzandlarimiz” mavzusida uchrashuv o‘tkazildi.
Qayd etish joizki, uchrashuv ochiq muloqot tarzida ikki tomonlama iliq munosabat asosida o‘tdi. Eng avval talabalar o‘zlari tayyorlagan taqdimotni namoyish etishdi. Shundan so‘ng so‘z Dilnoza Kubayeva berildi va u o‘z hayotiy tajribasidan, ustozlarining o‘gitidan kelib chiqqan holda ma’ruza qildi. So‘ng aktrisaning hayot faoliyati, ijro etgan rollari hamda ustoz san’atkorlar xotirasi haqida qizg‘in suxbat bo‘lib o‘tdi. Talabalar va professor o‘qituvchilar o‘zlarini qiziqtirgan savollar bilan murojaat qilib, Dilnoza Kubayevaning iliq va mehr-muhabbatga javoblaridan baxramand boldilar.
Dilnoza Kubayeva ham mana shunday muhtasham binoda, nufuzli institutda ta’lim olayotgan yigit-qizlarga havasi kelayotganini, davlatimiz rahbari tomonidan yaratilgan bunday imkoniyatdan unumli foydalanib, ishonchni oqlashlari lozimligini aytib, ularning o‘qishlariga omad tiladi.
@daminovbotirturgunpulatovich
@tashpmi_press
