У любых родителей в душе всегда будет тревога и волнение, если они долгое время не получают от своих детей известий. Причины этого бывают разные, но всегда нужно найти в себе силы не впадать в уныние, верить и молиться о том, чтобы с вашими детьми было всё благополучно и надеятся на скорую весточку от них. Не впасть в уныние, сохранить надежду и дождаться вестей от своих детей помогут молитвы преподобному Ксенофонту и супруге его Марие, а так же молитва великомученику Евстафию Плакиде.
Молитвы преподобному Ксенофонту и супруге его Марии.
Преподобные Ксенофонт и Мария потеряли своих сыновей Иоанна и Аркадия и долго пытались их найти, с надеждой уповая на Бога, и наконец свиделись с любимыми сыновьями. Этим святым молятся при лишении и потере детей, и просят их заступничества перед Господом.
Молитва первая
О святии Ксенофонте и Марие со чадами вашими Аркадием и Иоанном! Се мы недостойнии и грешнии к вам усердно прибегаем и с упованием крепким молимся: милостивно услышите ныне глас наш молебный и потщитеся на помощь нашу, и ныне любовь вашу к нам, рабам Божиим (имена), явите благодатным действом богоприятных молитв ваших низпошлите и нам великую и богатую милость Господню, да воспоем и прославим дивнаго во святых Своих Бога, Отца и Сына и Святаго Духа, ныне и присно и во веки веков.
Молитва вторая
О святии угодницы Божии, преподобнии Ксенофонте и Марие! Подвигом добрым подвизавшася на земли, восприяли еси на Небесех венец правды, егоже уготовал есть Господь всем любящим Его. Темже взирающе на святый ваш образ, радуемся о преславнем скончании жительства вашего и чтем святую память вашу. Вы же, предстоя Престолу Божию, приимите моления наша и ко Всемилостивому Богу принесите, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством вашим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.
Кондак, глас 4:
Житейскаго моря избегше, Ксенофонт праведный с сопружницею честною на Небесех веселятся с чады, Христа величающе.
Ин Кондак, глас 4:
В заповедех бодрствовал еси Владычних, нищим расточивый твое богатство, блаженне, тихо с сопружницею и чады твоими, темже наследуете Божественное наслаждение.
Тропарь преподобным, глас 4:
Бо́же оте́ц на́ших, творя́й при́сно с на́ми по Твое́й кро́тости, не оста́ви ми́лость Твою́ от нас, но моли́твами их в ми́ре упра́ви живо́т наш.
Кондак преподобным, глас 2:
Волнений множество невлажно проходяще, безплотныя враги струями слез ваших крепко погрузили есте, Богомудрии и преподобнии, и чудес дар приимше, молите непрестанно о всех нас.
Молитвы великомученику Евстафию Плакиде.
Евстафий пережил много испытаний после принятия крещения - варвары отняли у него жену, а звери похитили сыновей. Только после 15 лет поисков и странствий святой Евстафий нашёл жену и сыновей живыми. Так же великомученик Евфстафий одержал множество побед над врагами империи. Ему молятся при лишении и потере детей и просят у святого заступничества перед Господом.
Молитва великомученику Евстафию Плакиде:
О, пресла́вный, святы́й и многострада́льный великому́чениче Христо́в Евста́фие! Услы́ши на́с гре́шных и недосто́йных, святу́ю па́мять твою́ пра́зднующих. Испроси́ на́м у Го́спода многомо́щными моли́твами твои́ми благода́ть, я́же ко спасе́нию, и все́х грехо́в, соде́янных на́ми, проще́ние, земли́ благопло́дие, ми́ру ми́рное устрое́ние и от лю́тых диа́вольских ко́зней свобожде́ние, христиа́нскую кончи́ну жития́ на́шего и немяте́жное чрез возду́шныя мыта́рства к небеси́ прехожде́ние, ты́ бо прия́л еси́ благода́ть сию́ от Го́спода, е́же моли́тися за ны́, и а́ще восхо́щеши по́мощи на́м, почита́ющим свяще́нную па́мять твою́, вся́ мо́жеши сотвори́ти. Не пре́зри у́бо на́с, недосто́йных, страстоте́рпче святы́й, и испроси́ от Го́спода вся́ блага́я и поле́зная душа́м на́шим, я́ко да и мы́ сподо́бимся сла́вити и воспева́ти всесвято́е и великоле́пое и́мя Его́ во преми́рном Ца́рствии Небе́снем, иде́же е́сть все́х святы́х жили́ще, во ве́ки веко́в. Ами́нь.
Тропарь, глас 4:
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.
Кондак, глас 2:
Стра́сти Христо́вы я́ве подража́в/ и Сего́ испи́в усе́рдно ча́шу,/ о́бщник, Евста́фие, и сла́вы снасле́дник был еси́,/ от Сама́го всех Бо́га// прие́мля с высоты́ боже́ственное оставле́ние.