Нұрсұлтан Назарбаев Қоры «Алтын тобылғы» әдеби байқауын жариялап, жас ақындар мен жазушылардың танылуына мүмкіндік береді.
Байқаудың басты мақсаты — қазіргі заманғы қазақстандық көркем әдебиетті дамыту, жас қаламгерлерді қолдау және олардың шығармашылығын насихаттау.
Сыйлық конкурстық негізде төмендегі номинацияларға беріледі:
- «Жылдың үздік прозасы»;
- «Жылдың үздік поэзиясы»;
- «Жылдың үздік драматургиясы»;
- «Жылдың балаларға арналған үздік шығармасы»;
- «Жылдың үздік киносценарийі»;
- «Фантастика жанрындағы үздік шығарма».
Сонымен қатар, биыл Қор «Ел мұраты – Тәуелсіздік» тақырыбына арналған «Үздік шығарма» арнайы номинациясын тағайындады.
Жүлде қоры
Номинация жеңімпаздарына «Алтын тобылғы» әдеби сыйлығының лауреаты атағы беріліп, 2 000 000 KZT көлемінде ақшалай сыйлық табыс етіледі. Ал арнайы номинация жеңімпазы 3 000 000 KZT алады.
Байқауға 18-35 жас аралығындағы жас әдебиетшілердің қазақ және/немесе орыс тілдеріндегі шығармалары қабылданады. Автор екі номинацияға қатысуға құқылы.
Өткен жылдардағы байқау жеңімпаздары байқауға қатыса алмайды.
Конкурстық іріктеуге бір автордан — бұрын еш жерде жарияланбаған екі шығармаға дейін қабылданады.
Қолжазба А4 форматында, Times New Roman 14 шрифтімен 1 аралықта ресімделуі тиіс. Қолжазбаның көлемі:
- проза үшін - кемінде 35 парақ;
- поэзия үшін - кемінде 5 парақ;
- драмалық шығармалар – 30 парақтан аспауы тиіс;
- балалар шығармалары – 25 парақтан аспауы тиіс;
- киносценарий үшін - кемінде 25 парақ;
- фантастикалық шығарма үшін - кемінде 20 парақ;
Шығармалар 2022 жылдың 30 қазанына дейін қабылданады.
Өтінімді (шығарманы) пошта арқылы Нұр-Сұлтан қаласы, Ә.Бөкейхан көшесі, 1 А, Нұрсұлтан Назарбаев Қорына немесе at2022@fnn.kz электрондық мекенжайына жіберуге болады.
Конкурсқа қатысуға өтінім бере отырып, автор:
- өзінің авторлығын растайды;
- Жүлденің ұйымдастырушыларына шығармаларды бұқаралық ақпарат құралдарында, Ұйымдастырушының ұйғарымы бойынша жинақтарда және ғаламторда жариялауға рұқсат береді;
- авторлық гонорарды талап етпейді.
- Қабылданған шығармалар рецензияланбайды және қайтарылмайды.
- Жұмыстарды Конкурсқа жіберуге және салтанатты марапаттау рәсіміне қатысуға байланысты шығындарды қатысушылар өздері өтейді.
Жеңімпаздарды анықтау тәртібі
- Қолжазбаларды бағалау және Жүлде жеңімпаздарын (лауреаттарды) анықтауды Конкурстың Құрылтайшысы елімізге танымал ақын-жазушылардан, баспа өкілдерінен, сондай-ақ байқау құрылтайшылары мен серіктестері өкілдерінен жасақтаған (7 адамнан кем емес) Қазылар алқасы жүзеге асырады.
- Қазылар алқасының құрамы мен Төрағасын Конкурстың Құрылтайшысы бекітеді.
- Қазылар алқасының Жүлденің талаптарына сәйкес келмейтін шығармаларды қарамауға (сонымен қатар анонимді шығармаларды) құқы бар.
- Конкурсқа ұсынылған шығармалар қазылар алқасы мүшелеріне анонимді түрде жіберіледі (автордың есімі аталмайды).
- Қорытынды шешім қазылар алқасының жалпы санынан кемінде 2/3 кворумы болған жағдайда ашық дауыс беру арқылы қабылданады.
- Конкурсқа ұсынылған туындыларды әділ бағалау үшін барлық жұмыстар анонимді түрде қаралады. Конкурсқа ұсынылған жұмыстарды бағалау кезінде шығарманың өзектілігі мен автордың ойлау дербестігі, ұстанымы, баяндау реттілігі мен мағыналылығы, идея ерекшелігі, әдеби-көркем құндылығы, эстетикалық әсер тереңдігі басшылыққа алынады.
- Қорытынды шешім қабылданғанға дейін анонимділік сақталады.
- Қазылар алқасының шешімі ақырғы болып табылады және қайта қаралмайды.
- Конкурсқа лайықты шығармалар түспеген жағдайда, Қазылар алқасы Ұйымдастырушыларға сол номинация бойынша жүлдені толығымен бермеуге немесе жартылай беру туралы ұсыныс жасауға құқылы.
Байқау туралы толық ақпаратты fnn.kz сайтынан немесе 8 (7212) 767012 телефонынан біле аласыздар.